မဲခေါင်၊ ဒီဇင်ဘာ ၃
ထိုင်း-မြန်မာ နယ်စပ် မဲဆောက်မြို့ရဲ့ မြန်မာဘက်ခြမ်း မြ၀တီ နဲ့ ကပ်လျှက်နေရာမှာ မြ၀တီဘက်က ကျားဖြန့်လုပ်ငန်းကြီးတစ်ခုဆီ လိုင်းစွဲအားမြင့် အင်တာနက်နဲ့ ဖုန်းလိုင်းတွေ ဆက်သွယ်ပေးထားမှုက ဆက်စပ်ပစ္စည်အမြောက်အများကို ဒီဇင်ဘာ ၂ ရက်မှာ ဖမ်းဆီးရမိခဲ့ကြောင်း ထိုင်းအမျိုးသားအသံလွှင့်နှင့် ဆက်သွယ်ရေးကော်မရှင် (NBTC) ကော်မရှင်နာ ရဲမှူးကြီး နာသာသွန်ပရူဆွန်းတွန် က ဒီဇင်ဘာ ၃ ရက်နေ့မှာ ထုတ်ပြန်သွားပါတယ်။
ဒီထုတ်ပြန်ချက်မှာ မြန်ဘာဘက်ခြမ်း မြ၀တီမြို့က နယ်စပ်ဖြတ်ကျော်စီးပွားရေးဇုန် လို့ခေါ်တဲ့ ကျားဖြန့်လုပ်ငန်း အလုံးအရင်းလုပ်နေရာနေရာဆီ လိုင်းစွဲအားမြင့် အင်တာနက်ကေဘယ် ၁၆ ကြိုးနဲ့ ထိုင်းဖုန်းလိုင်းတွေ အသုံးပြုနိုင်စေမယ့် ဆက်စပ်ပစ္စည်တွေ၊ ထိုင်းမှတ်ပုံတင်ထားတဲ့ ဆင်းမ်ကတ် ၁၀၁၀၀၀ ကတ်နဲ့ SIM boxes နဲ့ ကျားဖြန့် လုပ်ငန်းသုံး ပစ္စည်းများစွာကို အများအပြား ဖမ်းဆီးရမိခဲ့တယ်လို့ ဘန်ကောက်ပို့စ်က ဖော်ပြသွားပြီး ဘယ်မြ၀တီစီးပွားရေးဇုန်လဲ ဆိုတာကို နေရာနဲ့ နာမည်အတိအကျ ဖော်ပြသွားခြင်း မပါရှိခဲ့ပါဘူး။
မြ၀တီဘက်က ကျားဖြန့်လုပ်ငန်းအားလုံးကို ယခင်ထိုင်းဝန်ကြီးချုပ် လက်ထက်ကတည်းက အင်တာနက်နဲ့ လျှပ်စစ်မီးပေးမှု မပြုလုပ်တော့ဘဲ ဖြတ်တောက်ခဲ့ကြောင်း လူသိရှင်ကြား ထုတ်ပြန်ခဲ့ပေမယ့် မြ၀တီဘက်က ကျားဖြန့်လုပ်ငန်းတွေနဲ့ တချို့သော နေရာတွေမှာ ထိုင်းအင်တာနက်လိုင်းနဲ့ လျှပ်စစ်မီး ရရှိနေသေးတာတွေ ရှိနေတာကို ဒေသခံတွေသိရှိထားကြပြီး အခု ဖမ်းဆီးမှုဟာ မြန်မာဘက်ကို ဒီလို အင်တာနက်နဲ့ ဖုန်းလိုင်းတွေ ပေးသုံးနေမှု တိုက်ဖျက်ရေးစီမံကိန်ထဲက စုံစမ်းဖော်ထုတ်မှုဖြစ်တယ်လို့ ဆိုပါတယ်။
ထိုင်း ဆက်သွယ်ရေးလုပ်ငန်း လည်ပတ်မှု ဥပဒေပုဒ်မ ၆၇ အရ တရားမဝင် အင်တာနက်နဲ့ ဖုန်းလိုင်းတွေ မြန်မာဘက်ခြမ်းကို ပေးသုံးခြင်းမှာ ပြစ်မှုထင်ရှားရင် ထောင်ဒဏ် ၅ နှစ် နဲ့ ဒဏ်ငွေ ဘတ် ၁၀ သန်းအထိ ချမှတ်အရေးယူနိုင်ကြောင်း ပြဌာန်းထားပါတယ်။
Ref:Bangkokpost
MKF-001
#MeKongNews
#မြဝတီ
#ကျားဖြန့်
#အင်တာနက်
#ထိုင်းဖမ်း
#ကေဘယ်ကြိုး
