မဲခေါင်၊ ဇူလိုင် ၃၁
လွိုင်ကော်မြို့၊ ပီကင်းကောခူကျေးရွာမှာ ဆယ်ကျော်သက် ကလေး ၂ ဦးဟာ ကောက်ရလာတဲ့ စစ်သုံးလက်ပစ်ဗုံး ၁လုံးကို ဆော့ကစားရင်း ပေါက်ကွဲလို့ ကလေး ၁ ဦးနေရာမှာ ပွဲချင်းပြီးသေဆုံးပြီး ၁ ဦး ပြင်းထန်ဒဏ်ရာတွေရတယ်လို့ သိရပါတယ်။
မနေ့ ဇူလိုင် ၃၀ ရက် နေ့လယ်ပိုင်းက ယင်းဖြစ်စဉ်ဖြစ်ပွားခဲ့တာဖြစ်ပြီး ယင်းဖြစ်ရပ်မျိုးနဲ့ အလားတူ ဖယ်ခုံအနောက်ခြမ်း စစ်ဘေးရှောင်သူ ၁ ဦးက လမ်းမှာတွေ့တဲ့ M-16 ကျည် ၁ တောင့်ကို မီးဖိုဘေး ချထားလို့ မီးလောင်ပေါက်ကွဲမှု ဖြစ်စဥ်လည်း ဖြစ်ခဲ့ပါသေးတယ်။
“ပြည်သူတွေအနေနဲ့ အန္တရာယ်ရှိတဲ့ ပေါက်ကွဲစေတတ်တဲ့ စစ်ဖက်ဆိုင်ရာပစ္စည်းတွေကို တွေ့ရင် မကိုင်တွယ် မစူးစမ်းပဲ သက်ဆိုင်ရာအစုအဖွဲ့တွေကို အသိပေးပြီး ဖယ်ရှားခိုင်းစေချင်တယ်၊ အသင်းအဖွဲ့တွေအနေနဲ့လည်း လက်နက်ခဲယမ်း၊ မိုင်းပညာပေး၊ လေကြောင်းအန္တရာယ်စတာတွေ ကို ပြည်သူလူထုတွေကို ကျယ်ကျယ်ပြန့်ပြန့် အသိပေးစေချင်တယ်” လို့ တသီးပုဂ္ဂလ လူမှုကယ်ဆယ်ရေးလုပ်ဆောင်နေသူ တစ်ဦးက ပြောပါတယ်။
တော်လှန်ရေးတပ်ဖွဲ့တွေ အနေနဲ့လည်း လက်နက်ခဲယမ်းတွေရဲ့ စည်းမျဉ်းစည်းကမ်းတွေကို အများဘေးကင်းလုံခြုံရေးအတွက် တင်းတင်းကြပ်ကြပ်ချမှတ်လိုက်နာကြပြီး စစ်ဘက်ဆိုင်ရာ အသုံးအဆောင်လက်နက်ခဲယမ်းတွေနဲ့ပတ်သက်တဲ့ ဥပဒေ၊ နည်းဥပေးဒတွေကို လည်း ရှင်းလင်းစွာချမှတ်နိုင်ဖို့ အကြံပြုတယ်လို့လည်း ပြောပါတယ်။
MK-012
