မဲခေါင်၊ ဧပြီ ၁၇
ဧပြီ ၁၀ ရက်ည ကတည်းက မြ၀တီ ၂၇၅ တပ်ကို စွန့်ခွာထွက်ပြေးပြီး အမှတ် (၂) ထိုင်း-မြန်မာ ချစ်ကြည်ရေး တံတားဝန်းထဲ လက်နက်ကိုင်ဆောင်ခိုအောင်းနေတဲ့ စစ်ကောင်စီတပ်သား ၁၀၀ ကျော်ဟာ ဧပြီ ၁၂ ရက် မနက် ၉ နာရီအချိန်အထိ ဒီအတိုင်းဆက်ရှိနေသေးပြီး ထိုင်းအစိုးရဘက်က ခေါ်ယူကယ်တင်ဖို့အရေး အခက်တွေ့နေ ကြောင်း The Reporters မီဒီယာက ရေးသားဖော်ပြခဲ့ပါတယ်။
မဲဆောက်ဘက်ခြမ်းမှာ မီဒီယာပေါင်းများစွာဟာ နေ့ညမပြတ် အမှတ် (၂) တံတားတွင်းက စစ်ပြေးအုပ်စု အခြေ အနေကို စောင့်ကြည့်နေကြပြီး The Reporters မီဒီယာက မြ၀တီဘက်အထိ ကူးသွားလို့ အမှတ် (၂) တံတားဘေး ပတ်လမ်းက ကားမောင်းလို့ မှတ်တမ်းတင် ရိုက်ကူရင်း ဒီသတင်းကို တင်ဆက်သွားတာဖြစ်ပါတယ်။
စစ်ပြေး ၁၀၀ ကျော်ကို KNU၊ KNLA နဲ့ PDF ပူးပေါင်းတပ်တွေဟာ သွားရောက်တိုက်ခိုက်ခြင်းမရှိသေးဘဲ တိုက်ခိုက်ခဲ့မယ်ဆိုရင် ထိုင်းမြန်မာကုန်စည်ကူးသန်းမှုအတွက် အရေးပါလွန်းတဲ့ တံတား ဗုံးကြဲတိုက်ခိုက်လို့ ပျက်ဆီးနိုင်သလို မြို့ပြဧရိယာအတွင်း လေကြောင်းတိုက်ခိုက်မှုတွေဖြစ်လာနိုင်လို့ ချင့်ချိန်နေတာဖြစ်နိုင်တယ်လို့ ဆိုပါတယ်။
ထိုင်း ဒုဝန်ကြီးချုပ်နဲ့ နိုင်ငံခြားရေးဝန်ကြီးတို့က ဒီအရေးကို ဆုံးဖြတ်ချက်ချဖို့ရာမှာ စစ်ပြေးတွေကို လက်ခံရင် လူသားချင်းစာနာနားလည်မှုဆိုင်ရာ နိုင်ငံတကာ ဥပဒေနဲ့အညီ လက်ခံရမှာဖြစ်ပြီး အန္တရာယ်ရှိတဲ့ တပ်ရင်းဆီ ပြန်ပို့ခဲ့ရင် ဒီဥပဒေကို ချိုးဖောက်ရာရောက်မှာဖြစ်ပါတယ်။
အရင်ခေတ်အဆက်ဆက်ကလည်း မြန်မာစစ်သားတွေကို အမြဲပြန်ပို့ပေးနေခဲ့မှုကြောင့် ခိုလှုံ့ခွင့်ပေးပြီး ခေါ်ထားဖို့လည်း မမြင်လို့ ဒီသောင်မတင်ရေမကျ စစ်ပြေး တွေအတွက် အကောင်းဆုံးက တော်လှန်ရေးတပ်တွေဆီမှာ စစ်သုံ့ပန်းအဖြစ် လက်နက်ချ အဖမ်းခံလိုက်ခြင်းသာ ဖြစ်တယ်လို့ တင်ဆက်ရေးသားခဲ့ပါတယ်။
အမှတ် (၂) တံတားဟာ ဧပြီ ၁၁ ရက်နေ့ ခဏတာသာဖွင့်ပြီး ပြန်ပိတ်ထားလို့ မဲဆောက်ဘက်ခြမ်းမှာ ထိုင်းကုန်ကားများစွာ ရပ်တန့်တန်းစီနေရပြီး ဧပြီ ၁၂ ရက် မနက်မှာတော့ ကုန်ပို့ဖို့ အရေးကြီးတဲ့ ရှေ့ဆုံးက ကားတချို့ကို ဂိတ် ၁ နာရီလောက်ဖွင့် မောင်းဝင်ခွင့်ပေးပြီး ပြန်ပိတ်လိုက်ကြောင်း သိရပါတယ်။ အမှတ် (၁) တံတားကတော့ ပုံမှန်အတိုင်း ဆက်ဖွင့်ထားပြီး နှစ်ဖက် ကူးသန်းသွားလာမှုတွေ ဆက်ရှိနေပါတယ်။
Ref:The Reporters
MKF-001