မဲခေါင်၊ ဧပြီ ၅
၂၀၂၄ ခုနှစ်အတွက် ပထမဆုံးသော ကုလသမဂ္ဂအစည်းအဝေးမှာ ပြည်သူတွေအပေါ် လေယာဉ်နဲ့ ဗုံးကြဲ သတ်ဖြတ်နေတဲ့ မြန်မာစစ်ကောင်စီထံ ဘယ်နိုင်ငံအစိုးရတွေမှ လေယာဉ်ဆီအပါ လက်နက် ခဲယမ်းတွေ တင်ပို့ ခြင်းမပြုဖို့ ချင့်တွက်တိုင်းတာမှာဖြစ်ကြောင်း အများဆန္ဒနဲ့ လက်ခံအတည်ပြုလိုက်ပြီဖြစ်ပါတယ်။
ဖေဖော်ဝါရီလကစတင်တဲ့ ဒီအစည်းအဝေးမှာ ဆူဒန်၊ ဘီလာရုစ်၊ မြောက်ကိုရီးယား၊ အီရန်၊ ဂါဇာ အရေးအပါ ပြဿနာရပ်ပေါင်း ၄၀ ကျော်ကို ဖြေရှင်းဆုံးဖြတ်ဖို့ စည်းဝေးခဲ့ကြပြီး ကုလအဖွဲ့အစည်းတွေထဲက ထိပ်တန်းမှာ ရှိတဲ့လူ့အခွင့်အရေးကောင်စီဟာ မြန်မာစစ်ကောင်စီထံ လေယာဉ်ဆီ၊ လက်နက်ခဲယမ်းတွေကို တရားမဝင် တင်ပို့ခြင်းမပြုလုပ်ကြဖို့ နိုင်ငံအစိုးရအသီသီးထံ တိုက်တွန်းကြောင်းအဆိုကို အများစုဆန္ဒသဘောနဲ့ အတည်ပြုလက်ခံခဲ့တာဖြစ်ပါတယ်။
နိုင်ငံတကာလွတ်ငြိမ်းချမ်းသာခွင့်အဖွဲ့(Amnesty International) ရဲ့ ကုလကိုယ်စားလှယ် အင်နီယန်အီလန်ဂိုက ပြည်သူကို ပြန်ပြီး အကြမ်းဖက်ဗုံးကြဲသတ်ဖြတ်နေတဲ့ စစ်ကောင်ဆီအတွက် မနှစ်ကတစ်နှစ်အတွင်း ဗီယက်နမ်မှာ သိုလှောင်ထားတဲ့ လေယာဉ်ဆီတွေကို သင်္ဘောတင်ပို့မှု ၇ ကြိမ်အထိ ရှိခဲ့တယ်လို့ ဆိုပါတယ်။
ဒါကြောင့် အခု ကုလသမဂ္ဂ ထိပ်တန်းလူ့အခွင့်အရေးကောင်စီဟာ မြန်မာစစ်တပ်အတွက် လေယာဉ်ဆီ တင်သွင်းခြင်းကို နိုင်ငံတကာအစိုးရတွေ ပိတ်ပင်ဖို့ ချင့်တွက်ဖိအားပေးတဲ့ အဆင့် သဘောတူညီလက်ခံပေးခဲ့တာဟာ ကောင်းမွန်တဲ့ခြေလှမ်းသစ်ဖြစ်တယ်လို့ ဆိုပါတယ်။
ဒါပေမဲ့ ကုလလုံခြုံရေးကောင်စီကိုယ်တိုင်က ဒီအဆိုထက်ပိုတဲ့ မြန်မာစစ်ကောင်စီထံ လေယာဉ်ဆီ၊ လက်နက်ခဲယမ်းအားလုံးကို တင်သွင်းခွင့် တရားဝင်ပိတ်ပင်တဲ့ အဆင့်မျိုး အထိ လုပ်ဆောင်သင့်ကြောင်း တိုက်တွန်းပြောဆိုသွားပါတယ်။
ဧပြီ ၄ ရက်နေ့က ဂျီနီဗာမှာ မြန်မာစစ်ကောင်စီအပေါ် လေယာဉ်ဆီနဲ့ လက်နက်ခဲယမ်းတင်သွင်းမှုကို ပိတ်ပင်ဖို့ လူ့အခွင့်အရေးကောင်စီက ဖိအားပေးချင့်တွက်မှု လက်ခံလိုက်ရာမှာ ဗီယက်နမ်ဘက်က ထောက်ခံမဲမပေးခဲ့ ကြောင်းလည်း သိရှိရပါတယ်။
ယူနိုက်တက်ကင်းဒမ် ကိုယ်စားပြု ကုလသံအမတ် ဘာဘရာဝုဒ်ဝါ့ဒ်ကလည်း စစ်ကောင်စီဟာ လက်ရှိ မြန်မာပြည်သူတွေအပေါ် ရက်စက်ကြမ်းတမ်းစွာနဲ့ အကြမ်းဖက် သတ်ဖြတ်နေသလို စစ်မှုထမ်းဥပဒေပြဌာန်းပြီး ရိုဟင်ဂျာတွေကို စစ်ထဲအတင်းသွပ်သွင်းနေခြင်းဟာ ရခိုင်နဲ့ ရိုဟင်ဂျာ မုန်းတီးမှုဂယက်ကို ပိုမို မီးလောင်ရာလေပင်စေကြောင်း ပြောပါတယ်။
မြန်မာစစ်ကောင်စီဟာ ကုလသမဂ္ဂလုံခြုံရေးကောင်စီ ချမှတ်ခဲ့တဲ့ ၂၆၆၉ ပြဌာန်းချက်ကိုလည်း တစ်နှစ်ပြည့်တဲ့အထိ ဂရုမစိုက်သလို အာဆီယံရဲ့ ဘုံသဘောတူညီချက် ၅ ရပ် လိုက်နာရေးအဆိုကိုလည်း မျက်ကွယ်ပြုထားဆဲဖြစ်ပါတယ်။
ဒါကြောင့် မြန်မာ့ကပ်ဘေးကို ကမ္ဘာက အမေ့လျော့ခံ အဖြစ် လုံး၀ မျက်ကွယ်မပြုထားသင့်ဘူးလို့ ကုလအထွေထွေအတွင်းရေးမှူးချုပ်ဆီ တင်ပြ ပြောဆိုသွားပါတယ်။
Ref: dailymail
MKF-001