မဲခေါင်၊ မတ် ၂၃

ရှမ်းပြည်အရှေ့ပိုင်း၊ တာချီလိတ်မြို့၊ ဆန်ဆိုင်းရပ်ကွက်မှာ မတ် ၂၂ ရက် ညနေပိုင်းက နေအိမ်တစ်လုံးမီးလောင်လို့ လေဖြတ်လူနာ ၁ ဦး သေဆုံးမှုဖြစ်ပွားခဲ့တယ်လို့ သိရပါတယ်။

မတ် ၂၂ ရက် ညနေ ၃ နာရီခွဲအချိန်ခန့် ဆန်ဆိုင်း(က)ရပ်ကွက် ဆန်ဆိုင်းဈေးအနီး နေအိမ်မှာ နေအိမ်အပေါ်ထပ် ဆောင်းဘောက်အသေးအားသွင်းတဲ့ မီးကြိုးခွေပလပ်ခုံကနေ အပူလွန်ကဲပြီး မီးလောင်တာလို့ သိရပါတယ်။

နေအိမ်မီးလောင်နေစဉ် အိမ်ထဲမှာ ရှိနေတဲ့ အသက် ၆၅ နှစ်အရွယ် ဦးအိုက်နွန်းဆိုသူဟာ မီးခိုးမွှန်ပြီး သေဆုံးခဲ့ရတယ်လို့ သိရပြီး မီးလောင်မှုကြောင့် မျက်နှာကျက်၊ ပန်ကာ၊ မွေ့ယာတွေ လောင်ကျွမ်းခဲ့ပြီး မီးကို ၄ နာရီခန့်မှာ ငြိမ်းသတ်နိုင်ခဲ့တယ်လို့ သိရပါတယ်။

မီးခိုးမွှန်ပြီး သေဆုံးရသူ ဦးအိုက်နွန်းကို တာချီလိတ်နာရေးကူညီမှုအသင်းက တာချီလိတ်ဆေးရုံကြီးကို ပို့ဆောင်ခဲ့တယ်လို့သိရပါတယ်။

MK-012

MeKongNews

တာချီလိတ်

မီးလောင်

လေဖြတ်

သေဆုံး

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)