မဲခေါင်၊ ဇန်နဝါရီ ၂၂
ရခိုင်ပြည်နယ်၊ ကျောက်တော်မြို့နယ် အခြေစိုက်စစ်ကောင်စီ အမြောက်တပ်ရင်း အမှတ် ၃၇၇ နဲ့ ခမရ ၅၃၉ တပ်ရင်းတွေမှ တိုက်ခိုက်သိမ်းပိုက်ရရှိခဲ့တဲ့ လက်နက်ခဲယမ်းတွေကို ရက္ခိုင့်တပ်တော် (AA) က မနေ့မှာ ထုတ်ပြန်ပါတယ်။
ကျောက်တော်အခြေစိုက် စစ်ကောင်စီအမြောက်တပ် အမှတ် ၃၇၇ ကို ဇန်နဝါရီ ၁၄ ရက်နဲ့ စစ်ကောင်စီ ခမရ ၅၃၉ တပ်ရင်းကို ဇန်နဝါရီ ၁၆ ရက်မှာ AA က သိမ်းပိုက်ရရှိခဲ့တာပါ။
AA သိမ်းပိုက်ရရှိခဲ့တဲ့ စစ်ကောင်စီလက်နက်တွေမှာ ဟောင်ဝစ်ဇာအမြောက်၊ လက်နက်ခဲယမ်းတွေအများအပြား သိမ်းပိုက်မိခဲ့တာကို သူတို့ထုတ်ပြန်တဲ့ ဓာတ်ပုံတွေမှာ တွေ့ရပါတယ်။
အဲ့ဒီတိုက်ပွဲအတွင်းမှာ စစ်ဆင်ရေးကွပ်ကဲမှုဌာနချုပ် (စကခ-၉) နည်းဗျူဟာ ဗျူဟာမှူး ဒုတိယဗိုလ်မှူးကြီး ညီညီဝင်းကိုလည်း AA က ဖမ်းဆီးရမိခဲ့ပြီး ဒဏ်ရာရထားလို့ ဆေးကုသပေးထားပါတယ်။
ရခိုင်ပြည်နယ်အတွင်း ခမရ ၃၇၄၊ ၃၇၅၊ ၃၇၆ တပ်တွေနဲ့ AA တို့ တိုက်ပွဲဆက်လက်ပြင်းထန်နေတယ်လို့ သိရပါတယ်။
#MeKongNews
#စစ်ကောင်စီ
#AA
#ပြင်းထန်
#ကျောက်တော်
#သိမ်းမိ