မဲခေါင်၊ ဇူလိုင် ၂၂

ဇူလိုင် ၂၂ ရက် စနေနေ့မွန်းလွဲပိုင်းမှာ လာမယ့် ဝန်ကြီးချုပ်ရွေးပွဲအတွက် ဦးဆောင်အဆိုတင်သွင်းမယ့် ဖွေထိုင်းပါတီရုံးချုပ်ကို Bhumjai Thai နဲ့ Chart Pattana Kla ပါတီ ခေါင်းဆောင်တွေ ရောက်ရှိလာခဲ့ပြီး ဆွေးနွေးညှိနှိုင်းရာမှာ ဖွေထိုင်းနဲ့ မဟာမိတ်လုပ်နိုင်သော်လည်း MFP ပါတီမပါမှ ဖြစ်မယ်လို့ အသီသီး ပြောဆိုခဲ့ကြောင်း သိရပါတယ်။

Bhumjai Thai ပါတီခေါင်းဆောင် အနူတင်ချန်ဗာရာကူဟာ ထိုင်းမှာ ဆေးဘက်ဆိုင်ရာအသုံးပြုဖို့ ဆေးခြောက် လွတ်လပ်စွာ စိုက်ပျိုးခွင့်ပေးဖို့ ဦးဆောင်ခဲ့သူ ကျန်းမာရေးဝန်ကြီးလည်းဖြစ်ပြီး ၂၀၀၆ ခုနှစ် အာဏာသိမ်းမှုမှာ ဗိုလ်ချုပ် အနူပေါင်နဲ့ ပူးတွဲ ခေါင်းဆောင်ခဲ့သူအဖြစ် စွပ်စွဲခံခဲ့ရသူလည်းဖြစ်ပါတယ်။

သူနဲ့ Chart Pattana Kla ပါတီဟာ မဟာမိတ်တွေဖြစ်ပြီး ဖွေထိုင်းပါတီက ဝန်ကြီးချုပ်အဖြစ် ရွေးချယ်ခံမယ့်အရေးမှာ မဟာမိတ်လုပ်ဖို့ လာရောက်ဆွေးနွေးခဲ့ကြတာလည်းဖြစ်ပါတယ်။

ပါတီခေါင်းဆောင်နှစ်ဦးစလုံးဟာ အစည်းအဝေးမှာ လက်ရှိ ၈ ပါတီမဟာမိတ်လုပ်ထားတဲ့ MFP၊ ဖွေထိုင်းအပါ မဟာမိတ်အုပ်စုထဲ MFP ပါတီမပါမှ ပူးပေါင်းနိုင်မယ်လို့ ပြောဆိုခဲ့ကြောင်း Khaosod သတင်းဌာနက ရေးသား ဖော်ပြသွားပါတယ်။

Ref: Khaosod

#MeKongNews

#ဖွေထိုင်းပါတီ

#ထိုင်းရွေးကောက်ပွဲ

#MPF

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)