မဲခေါင်၊ ဇူလိုင် ၂၄
မေ ၁၄ ရက်ကတည်းက ထိုင်းရွေးကောက်ပွဲပြီး ဆုံးသွားပေမယ့် ဝန်ကြီးချုပ်သစ် တင်မြှောက်ခြင်းနဲ့ အစိုးရသစ် ဖွဲ့ရေးဟာ ဖွဲ့စည်းပုံ အခြေခံ ဥပဒေသစ်ကြောင့် ပိုမိုရှုပ်ထွေးလာချိန် မဲအများဆုံး အနိုင်ရပါတီ MFP က ဘယ်လို အခြေအနေ ဖြစ်နေပါစေ အာဏာသိမ်း စစ်ဗိုလ်ချုပ်တွေရဲ့ ပါတီတွေနဲ့ လုံး၀ မဟာမိတ်အဖြစ် မပေါင်းနိုင်ကြောင်း ဇူလိုင် ၂၄ ရက်မှာ ထုတ်ပြန်ပါတယ်။
MFP ပါတီ အထွေထွေ အတွင်းရေးမှူး ချိုင်သာဝပ် က ဖွဲ့စည်းပုံ အခြေခံဥပဒေ ခုံရုံးက ဖိထာကို အမတ်ဖြစ်ခွင့် ရုပ်သိမ်းလိုက် သလို ဝန်ကြီးချုပ် ထပ်ရွေးချယ်ခံမှုကိုလည်း တားမြစ်လိုက်ခြင်း အတွက် လက်ရှိ ညွှန့် ပေါင်းအစိုးရရုံးဆီ အယူခံ တင်သွင်းပြီး နောက်တစ်ကြိမ် ဝင်အရွေးခံနိုင်သေးကြောင်း၊ စစ်တပ်ခန့် အထက်လွှတ်တော် အမတ် ၂၅၀ ထဲက လိုအပ်တဲ့ ၅၆ မဲကို ဒီတစ်ကြိမ် ထပ်ရွေးရင် ရဖို့ သေချာသလောက်ရှိကြောင်း ရှင်းလင်း ပြောကြားသွားတာ ဖြစ်ပါတယ်။
ဇူလိုင် ၂၃ ရက်နေ့က ဝန်ကြီးချုပ် ရွေးချယ်ခံဖို့နဲ့ အစိုးရသစ် ဖွဲ့ရေး ဆက်လုပ်မယ့် ဒုတိယ မဲအများဆုံးနိုင် ဖွေထိုင်း ပါတီဟာ စစ်ဗိုလ်ချုပ်ဟောင်းတွေ၊ ကွန်ဆာဗေးတစ်တွေ ထူထောင်ထားတဲ့ ဘန်ဂျိုင်းထိုင်းပါတီ၊ PT party နဲ့ Palang Pracharat တို့နဲ့ မဟာမိတ်ပါတီသစ်ဖွဲ့ဖို့ တွေ့ဆုံ ဆွေးနွေးခဲ့ကြပါတယ်။
ဒီပါတီတွေက လက်ရှိ ဖွေထိုင်းရဲ့ မဟာမိတ် ၈ ပါတီထဲမှာ MFP ပါတီ မပါမှသာ ဖွေထိုင်းပါတီကို မဟာမိတ်အဖြစ် ဖွဲ့ပြီး ထောက်ခံမယ်လို့ တုံ့ပြန်ခဲ့ပါတယ်။
ဒါကြောင့် ဇူလိုင် ၂၅ ရက် အင်္ဂါနေ့မှာ MFP၊ ဖွေထိုင်း အပါအဝင် မဟာမိတ် ၈ ပါတီ အစည်းအဝေးကို ထပ်မံ ကျင်းပမှာ ဖြစ်ပါတယ်။
ဖွေထိုင်းပါတီက တိုင်းပြည်ရဲ့ စီးပွားရေး ပြန်တိုးတက်ဖို့ ခေါင်းဆောင်ကောင်း လိုအပ်မှုကြောင့် စတေးသင့်တာကို စတေးပြီး စစ်တပ် ပတ်သက်တဲ့ ပါတီတွေနဲ့ မဟာမိတ်လုပ်ကောင်း လုပ်ရနိုင်တယ်လို့ ဇူလိုင် ၂၃ ရက် အစည်းအဝေး အပြီး ကြေညာချက် ထုတ်ပြန်လိုက်တဲ့အတွက် MFP ကလည်း ခုလို ပြန်လည် ကြေညာချက် ထုတ်ပြန်လိုက်တာပါ။
ချိုင်သာဝပ်က “ပြည်သူ့ဆန္ဒက MFP နဲ့ အစိုးရအဖွဲ့သစ် ဖြစ်စေချင်တာကို မဲပေးမှုကနေ သက်သေခံလိုက်ပြီး သားပါ။ ဒီအစိုးရအဖွဲ့သစ်မှာ အရင် လူတွေကို မလိုချင်တာ ရှင်းနေတာပဲ။ ဗိုလ်ချုပ် ပရာဝစ်ရဲ့ Palang Pracharat (PPRP) ပါတီ၊ ဗိုလ်ချုပ် ပရာယွတ်ရဲ့ United Thai Nation (UTN) ပါတီတွေနဲ့ လုံး၀ မပူးပေါင်းနိုင်ပါဘူး။ အခု အထက်လွှတ်တော်အမတ် ၂၅၀ ထဲက မဲ ၅၆ မဲ ရဖို့ ယုံကြည်ပါတယ်။ ဒါကြောင့် ညွှန်ပေါင်းအစိုးရရုံးဆီ အယူခံ တင်သွင်းပြီး ဖိထာကို ဝန်ကြီးချုပ် ထပ်ရွေးချယ်ခံခွင့်ပြုဖို့ ကြိုးစားနေပါတယ်” လို့ ပြောကြားပါတယ်။
လက်ရှိ MFP ပါတီနဲ့ မဟာမိတ် ၈ ပါတီ ပြင်ပက ပါတီငယ်လေးတွေဟာ ဖွေထိုင်းနဲ့ စစ်ဗိုလ်ချုပ်တွေပါတီ ပူးပေါင်းခဲ့ရင် အဲဒီဘက်မှာ ပူးပေါင်းပြီး ဖွေထိုင်းကို ထောက်ခံမယ့် အခြေအနေအပေါ် စစ်တပ်ခန့် အထက် လွှတ်တော်အမတ် ၂၅၀ ထဲက တစ်ဝက်လောက်က လက်မခံနိုင်တဲ့ အနေအထားကြောင့် MFP ဟာ ဒီတစ်ကြိမ် ဖိထာကို ဝန်ကြီးချုပ် ရွေးရင် အနည်းဆုံး ၅၆ မဲ ထည့်လောက်တယ်လို့ MFP ပါတီက ယုံကြည်နေတာ ဖြစ်ပါတယ်။
MKF-001
#MekongNews
#MFP ပါတီ
#ဝန်ကြီးချုပ်လောင်း
#စစ်ဗိုလ်ချုပ်
Ref: bangkokpost
