မဲခေါင်၊ ဒီဇင်ဘာ ၁
ရှမ်းပြည်နယ် မြောက်ပိုင်း၊ သီပေါမြို့နယ်က ရဲစခန်း တစ်ခုကို TNLA ဒီကနေ့ မနက်ပိုင်းမှာ တိုက်ခိုက် သိမ်းပိုက် ခဲ့ရာ ရဲ ၂ ဦး အရှင်ဖမ်းမိပြီး သေနတ် ၁၁ လက်ရခဲ့တယ်လို့ တအောင်း တပ်မတော် ပြန်ကြားရေးက ထုတ်ပြန်ပါတယ်။
သီပေါမြို့နယ်က စဥ့်အင်ရဲစခန်းကို ဒီကနေ့ မနက် ၆ နာရီခန့်က ဝင်ရောက် တိုက်ခိုက်ခဲ့တာဖြစ်ပြီး ရဲတပ်သား ၂ ဦး အရှင် ဖမ်းမိကာ သေနတ် ၈ လက်၊ ပစ္စတို ၃ လက်၊ ကျည်အမြောက်အများနဲ့ စစ်အသုံးအဆောင် ပစ္စည်းတွေ ရရှိခဲ့တယ်လို့ ဆိုပါတယ်။
အလားတူ ဒီကနေ့ မနက်ပိုင်းမှာ မူဆယ်မြို့နယ်၊ နမ့်ပေါ်တံတား တပ်စခန်းကို TNLA က သိမ်းပိုက်နိုင်ခဲ့ပါတယ်။
“၁၀၂၇ စစ်ဆင်ရေး” တစ်လကျော် အတွင်း ရှမ်းမြောက်မှာ မြို့နယ် ၉ ခုနဲ့ စစ်တပ်စခန်းပေါင်း ၂၀၀ နီးပါး သိမ်းပိုက် ထိန်းချုပ်ထားနိုင်ပြီလို့ ညီနောင် ၃ ဖွဲ့ ပြန်ကြားရေးက ထုတ်ပြန်ထားပါတယ်။
MK-007