မဲခေါင်၊ ဧပြီ ၁၇
ဗမာပြည်သူ့ လွတ်မြောက်ရေး တပ်တော်-BPLA ရဲ့ ဒီကနေ့ ဧပြီလ ၁၇ ရက်မှာ ကျရောက်တဲ့ တော်လှန်ရေး သက်တမ်း ၂ နှစ်ပြည့် အခမ်းအနားကို လွတ်မြောက်နယ် တစ်နေရာမှာ ပြုလုပ်ခဲ့ပါတယ်။
ဒီအခမ်းအနားကို အမျိုးသား ညီညွတ်ရေး အစိုးရ-NUG နဲ့ တိုင်းရင်းသား ညီနောင် မဟာမိတ်တွေဖြစ်တဲ့ MNDAA ၊ TNLA နဲ့ ULA/AA တို့က ဆုတောင်း သဝဏ်လွှာတွေ ပေးပို့ခဲ့ကြပါတယ်။
တော်လှန်ရေး ကာလ ၂ နှစ်ကျော်အတွင်း စစ်ကောင်စီကို တော်လှန်ရင်း တော်လှန်ရေး လောကဓံနဲ့ အခက်အခဲတွေကို လက်လျှော့သွားကြတဲ့ အဖွဲ့တွေ ရှိသလို ဆက်လက် တော်လှန်နေကြတဲ့ အဖွဲ့များစွာရှိပြီး ဒီထဲမှာ ဗမာပြည်သူ့ လွတ်မြောက်ရေး တပ်တော်-BPLA က အခက်အခဲတွေကို ကြံ့ကြံ့ခံကာ စစ်ကောင်စီကို ဆက်လက်တော်လှန်ခဲ့တာ ၂ နှစ်ပြည့်တဲ့ အတွက် ဝမ်းသာရတယ်လို့ ညီနောင် မဟာမိတ်တွေ ပေးပို့တဲ့ သဝဏ်လွှာမှာ ဖော်ပြပါတယ်။
BPLA အနေနဲ့ တိုင်းပြည်သစ်နဲ့ ပြည်သူတွေကို ဦးဆောင်နိုင်တဲ့ အဖွဲ့အစည်း တစ်ခုဖြစ်ပါစေလို့လည်း ညီနောင် မဟာမိတ် အဖွဲ့အစည်းတွေရဲ့ သဝဏ်လွှာမှာ ဆုတောင်းပေးထားပါတယ်။
MK-007
#MeKongNews
