မဲခေါင်၊ မတ် ၂၃
မတ်၂၀ ရက်က အီရန်သည် တာဝေးပစ်ပဲ့ထိန်းဒုံးကျည် ၂ စင်းအား စစ်ပွဲကာလအတွင်း ပထမဆုံးအကြိမ်အဖြစ် ကီလိုမီတာ ၂၅၀၀ အကွာအဝေးရှိ အမေရိကန်နှင့် ယူကေတပ်များ အခြေစိုက်ရာ ချားဂို့စ်ကျွန်းပေါ်ရှိ ဒီယေဂိုဂါစီယာ စခန်းသို့ ပစ်ခတ်ခဲ့ပြီးနောက် အီရန်၏ တာဝေးပစ်ဒုံးကျည်များကို လျှော့တွက်မိနေကြပြီး တကယ်တမ်းတွင် ထိုဒုံးကျည်များသည် လန်ဒန်၊ ဘာလင်၊ ပဲရစ်မြို့ကြီးများဆီအထိ ပစ်ခတ်နိုင်စွမ်းရှိသည်ဟု အစ္စရေးကာကွယ်ရေးတပ်က ယမန်နေ့တွင် သတိပေး ထုတ်ပြန်ခဲ့သည်။
အီရန် စပစ်သည် တာဝေးပဲ့ထိန်းဒုံးကျည် ၂ စင်းကို အမေရိကန် စစ်သင်္ဘောက တစ်စင်းအား ပစ်ချခဲ့ပြီး နောက်ဒုံးကျည်တစ်စင်းမှာ ပျံသန်းမှု မအောင်မြင်ခဲ့ပေ။
၎င်းတို့ အခြေစိုက်စစ်စခန်းများအား ယခင်က အမေရိကန်တပ်များကို ကာကွယ်ရေးအတွက်သာ အသုံးပြုခွင့် ပေးထားရာမှ အီရန်အား ပစ်ခတ် တိုက်ခိုက်မှုအတွက်ပါ ဗြိတိန်ဝန်ကြီးချုပ် စတာမာက ခွင့်ပြုပြီးနောက် ပြည်သူများ၏ ဆန္ဒက စစ်ပွဲအတွင်း မပါဝင်ချင်သည်ကို စတာမာက ဝင်ပါလာသည့်အတွက် ကိုယ့်ကိုယ်ကိုယ် ကာကွယ်မှုအဖြစ် ဗြိတိန်ပစ်မှတ်များ၊ အားလပ်ရက် အပန်းဖြေရာ နေရာများကို ပစ်မှတ်ထား တိုက်ခိုက်သွားရမည်ဟု အီရန်တော်လှန်ရေးအစောင့်တပ်က သတိပေးချက် ထုတ်ပြန်ခဲ့သည်။
အစောပိုင်းက အီရန်၏ တာဝေးပစ်ပဲ့ထိန်းဒုံးကျည် Shahab – 3 သည် ကီလိုမီတာ ၁၃၀၀ အကွာ အဝေး ပစ်နိုင်ကြောင်းနှင့် Khorramshahr ဒုံးကျည်သည် ကီလိုမီတာ ၃၀၀၀ အထိ ပစ်နိုင်သည်ဟုသာ သိရှိထားကြသော်လည်း ထိုတွက်ဆမှုမှာ လျှော့တွက်လွန်းရာ ရောက်ကြောင်းနှင့် တကယ်တမ်းတွင် အီရန်ဒုံးကျည်များသည် ကီလိုမီတာ ၄၀၀၀ ကျော်အထိ ပစ်နိုင်သောကြောင့် ဥရောပ မြို့ကြီးများဖြစ်သော လန်ဒန်၊ ဘာလင်နဲ့ ပဲရစ်မြို့တို့အထိ ပစ်ခတ်နိုင်စွမ်းရှိသည်ဟု အစ္စရေးစစ်တပ်က ထုတ်ပြန် သတိပေးခဲ့သည်
ကိုကလင်း
Ref:Thesun
#MeKongNews
#အီရန်
#တာဝေးပစ်ဒုံးကျည်
#လန်ဒန်
#ပဲရစ်
