မဲခေါင်၊ မတ် ၂၀
စွမ်းအင်နှင့် ရေနံဓာတုထုတ်ကုန်များကို ထိုင်းနိုင်ငံသားများ ရရှိမှု အဆက်ပြတ်မသွားစေရန် ထိုင်းအစိုးရပိုင် ရေနံနှင့် သဘာဝဓာတ်ငွေ့ကုမ္ပဏီ – PTT အုပ်စုက လုပ်ငန်းများကို ရာနှုန်းပြည့် လည်ပတ်နေကြောင်း သိရသည်။
ကုမ္ပဏီသည် ကမ္ဘာတစ်ဝန်းမှ ရေနံစိမ်းများ လုံလောက်စွာရရှိရေး လုပ်ဆောင်ထားနိုင်ကြောင်းနှင့် ပြည်တွင်းက လိုအပ်သည့် လောင်စာဆီနှင့် ရေနံဓာတုပစ္စည်းများ ဖြည့်ဆည်းနိုင်ရန် ရာနှုန်းပြည့်ထက် ပိုမိုလည်ပတ်နေကြောင်း PTT က ပြောကြားသည်။
လက်လီရောင်းချသော လုပ်ငန်းရှင်များနှင့် ဓာတ်ဆီဆိုင်များက လိုအပ်သော ထုတ်ကုန်များကို ထောက်ပံ့ပေးနိုင်ရန် PTT ရေနံချက်စက်ရုံများက စွမ်းအားပြည့် လည်ပတ်နေသည်။
ထို့ပြင် လက်လီရောင်းချသူများက ဓာတ်ဆီဆိုင်များတွင် သွား၍ ဆီဖြည့်စရာမလိုအောင် လက်လီဈေးနှုန်းများနှင့် ဓာတ်ဆီဆိုင် ဈေးနှုန်းများ ကွာဟမှု မရှိစေရန်လည်း ထိန်းညှိထားသည်။
ထို့ကြောင့် ရေနံချက်စက်ရုံများသည် နိုင်ငံအတွက် အလွန်အရေးပါသော အခြေခံ အဆောက်အအုံများဖြစ်ကြောင်း PTT က ပြောကြားပြီး ၎င်းတို့က ရေနံစိမ်း တင်သွင်းခြင်းသာမက ရေနံစိမ်းအား ဒီဇယ်ဆီ၊ လေယာဉ်ဆီ၊ ဓာတ်ဆီနှင့် သဘာဝဓာတ်ငွေ့အရည်များအဖြစ် ပြောင်းလဲသည့်အပြင် ရေနံဓာတုစက်ရုံများက ကော်စေ့များ ထုတ်လုပ်နိုင်ရန် ကုန်ကြမ်းများကိုလည်း ထုတ်လုပ်ပေးကြောင်း ကုမ္ပဏီက ဆက်ပြောသည်။
လက်ရှိတွင် PTT အုပ်စုပိုင် ရေနံချက်စက်ရုံများသည် ၁၀၉ ရာခိုင်နှုန်း လည်ပတ်နေကာ ဒီဇယ်ဆီကို ၇ ရာခိုင်နှုန်း တိုးမြှင့်ထုတ်လုပ်ကြောင်း သိရသည်။
အမျိုးသားစီးပွားရေး မှန်မှန်ကန်ကန် လုံခြုံမှုရှိစွာ ရှေ့သို့ချီတက်နိုင်ရေး အစိုးရ၏ မူဝါဒကို ပါဝင်ဖြည့်ဆည်းပေးရန် မိမိတို့ကုမ္ပဏီက အသင့်ရှိကြောင်း PTT က ဆက်လက် ပြောကြားသည်။
အေးကျော်
Ref: The Nation
#MeKongNews
#ပြည်တွင်းစွမ်းအင်
#ထောက်ပံ့မှုကွင်းဆက်
#တည်ငြိမ်ရေး
#PTT
