မဲခေါင်၊ ဇန်နဝါရီ ၃၀
လူထုအတွက် တရားမျှတမှုဖော်ဆောင်ရေးအဖွဲ့-အင်းလေး (Justice Movement for Community-Innlay) က ထိုင်းနိုင်ငံအတွင်းကနေ အင်းလေးဒေသအပါအဝင် ပြည်တွင်းက တိမ်းရှောင်လာတဲ့ သူတွေကို ကူညီလုပ်ဆောင်ပေးနေတယ်လို့ သိရပါတယ်။
ယင်းအဖွဲ့ကို ၂၀၂၃ ခုနှစ် မတ်လ က စတင်တည်ထောင်ခဲ့တာဖြစ်တယ်လို့ အဲဒီအဖွဲ့ကို စတင်တည်ထောင်သူလဲဖြစ်၊ ဒါရိုက်တာလည်းဖြစ်တဲ့ ဒေါ်ယုလှိုင်သင်းက ပြောပါတယ်။
ပုဒ်မထိပြီး ဖမ်းဝရမ်းထုတ်ခံထားရတဲံ လူအခွင့်အရေးကာကွယ်စောင့်ရှောက်သူတွေဖြစ်တဲ့ အမျိုးသမီး၊ အမျိုးသား၊ LGB အုပ်စုတွေကို ပြည်တွင်းကနေ ပြည်ပကိုလာနိုင်အောင်၊ လမ်းကြောင်းတွေ စီစဉ်ပေးတယ်၊ ခရီးစရိတ်၊ စားစရိတ်တွေ ကူညီပေးတယ်၊ ကလေးသူငယ်တွေ လည်းပါတယ်။ ပြည်ပကိုရောက်တဲ့ အချိန်မှာလည်း နေစရာ၊ စားစရာ၊ ကျန်းမာရေးစောင့်ရှောက်မှုတွေ စီစဉ်ပေးတယ်၊ ကလေးတွေ ပညာသင်ခွင့်ရအောင်လို့လည်း တခြားသောအဖွဲ့အစည်းတွေနဲ့ ချိတ်ဆက်စီစဉ်ပေးတယ်
လို့ သူက သူ့လုပ်ငန်းစဉ်ကို ရှင်းပြပါတယ်။
လူကြီးတွေ စိတ်ဖိစီးမှုတွေ လျော့ကျအောင်၊ ကိုယ့်ကိုကိုယ် ပြန်လည်ထူထောင်နိုင်အောင် စိတ်ဓာတ်ပိုင်းဆိုင်ရာ ပြန်လည်ကုစားရေးအစီအစဉ်တွေ၊ ပြည်ပမှာ တရားဝင် နေထိုင်ခွင့်အထောက်အထားတွေပြုလုပ်ပေးပြီး အလုပ်အကိုင်အခွင့်အလမ်းတွေ ရရှိအောင်လည်း သက်ဆိုင်ရာအဖွဲ့တွေ၊ အုပ်စုတွေနဲ့ ချိတ်ဆက်ကူညီပေးနေတယ်လို့ သူက ပြောပါတယ်။
ဒါ့အပြင် ပြည်တွင်းမှာ ထောင်ကျနေတဲ့ လူ့အခွင့်အရေးစောင့်ရှောက်သူတွေရဲ့ မိသားစုတွေအတွက် စားဝတ်နေရေး အဆင်ပြေစေဖို့၊ထောင်ဝင်စာတွေ့နိုင်ဖို့ ထောင်ကျနေသူအတွက် လိုအပ်တဲ့အရာတွေ ဝယ်နိုင်ဖို့ ငွေကြေးဆိုင်ရာ ကူညီထောက်ပံံ့နေသလို ထွက်ပြေးတိမ်းရှောင်နေတဲ့ လူ့အခွင့်အရေးကာကွယ်စောင့်ရှောက်သူတွေရဲ့ မိသားစုတွေကိုလည်း ထောက်ပံ့မှုတွေပြုလုပ်ခဲ့တဲ့လို့ဆိုပါတယ်။
ထိုင်းနိုင်ငံအတွင်းမှာလည်း စစ်အာဏာသိမ်းမှု ၂န ှစ်ပြည့်တဲ့နေ့မှာ အခြားအဖွဲ့တွေနဲ့ပူးပေါင်းပြီး ချင်းမိုင်တက္ကသိုလ် FACULITY IN LAW ခန်းမမှာ စစ်အာဏာရှင်ပြုလုပ်မဲ့ အတုအယောင် ရွေးကောက်ပွဲကို ဆန့်ကျင်တဲ့ကမ်ပိန်းပြုလုပ်ခဲ့ပါသေးတယ်။
အင်းလေးဒေသအတွင်းမှာ စစ်အာဏာရှင်နဲ့လက်ပါးစေတွေရဲ့ လူ့အခွင့်အရေးချိုးဖောက်မှု သုတေသန စာတမ်းနဲ့ မှတ်တမ်းရုပ်ရှင်ပြုစုပြီး ၂၀၂၃ ခုနှစ်၊ ဇူလိုင် ၂၆ ရက်မှာ ချင်းမိုင်တက္ကသိုလ်မှာ သတင်းစာရှင်းလင်းပွဲ ပြုလုပ်ခဲ့တယ်လို့ သူ့ထံက သိရပါတယ်။
ဒေါ်ယုလှိုင်သင်းဟာ အင်းလေးဒေသက အင်းသားကိုယ်စားလှယ်အနေနဲ့ တိုင်းရင်းသားလူမျိုးများ အထွေထွေသပိတ်ကော်မတီ (GSCN) မှာပါဝင်ခဲ့သလို အင်လေးကန်အလယ်က ထမိန်သပိတ်ကို ဦးဆောင်ခဲ့ပြီး စစ်အာဏရှင်လှုပ်ရှားမှုတွေမှာ ပါဝင်ခဲ့လို့ ပုဒ်မ ၅၀(ည) ထုတ်ခံထားရတဲ့သူပါ။
အင်းလေးဒေသမှာ စစ်ရေးအရ ၁၀၀၉ (IPDF)၊ အင်းလေးထိုးဖောက် တိုက်ခိုက်ရေးအထူးအဖွဲ့ (ဓါးမကူး)တို့ရှိသလို နိုင်ငံရေးနဲ့ ထောက်ပံ့ရေး အဖွဲ့တွေဖြစ်တဲ့ အင်းလေးအမျိူးသမီးသမဂ္ဂ(IWU) အင်းလေးဖက်ဒရယ်ဒီမိုကရေစီလှုပ်ရှားမှု (IFDM)တို့အပြင် ထိုင်းနိုင်ငံ မြို့ ၂မြို့မှာလည်း လူထုအတွက် တရားမျှတမှုဖော်ဆောင်ရေးအဖွဲ့-အင်းလေး((JMC) မှာ စစ်အာဏာရှင်အမြစ်ပြတ်တော်လှန်ရေးမှာ တစ်တပ်တစ် အားပါဝင်နေတယ်လို့ စုံစမ်းသိရှိရပါတယ်။
MK – 012
#အင်းလေး
#ကူညီ
#တော်လှန်ရေး
#MeKongNews