မဲခေါင် ၊ ဇူလိုင် ၂၂
လူမှုကွန်ရက် အွန်လိုင်းပေါ်မှ ဈေးရောင်းချနေသူတွေကို မှတ်ပုံမတင်ပါက ထောင်ဒဏ်နဲ့ငွေဒဏ်ချမှတ်မယ်လို့ စစ်ကောင်စီက သတင်းထုတ်ပြန်ထားပါတယ်။
လုပ်ငန်းလိုင်စင် ဒါမှမဟုတ် ကုမ္ပဏီအဖြစ် တရားဝင် မှတ်ပုံမတင်ပါက ထောင်ဒဏ်နဲ့ ငွေဒဏ် ချမှတ်နိုင်တဲ့ အမိန့်ကို စစ်ကောင်စီ လက်အောက်ခံ စီးပွား/ကူးသန်းဝန်ကြီးဌာနကဇူလိုင်၂၁ ရက်နေ့က ထုတ်ပြန်ခဲ့တာပါ။
လူမှုကွန်ရက် အခြေပြုပြီး ဈေးရောင်းသူတွေကို လိုင်စင်မှတ်ပုံမတင်ပါက ထောင်ဒဏ် ၆ လမှ ၃ နှစ်အထိလည်းကောင်း၊ ငွေဒဏ် ၅ သိန်းကိုလည်းကောင်း ချမှတ်နိုင်တယ်လို့ စစ်ကောင်စီအမိန့် ထုတ်ပြန်ချက်မှာ ပါရှိပါတယ်။
ယခုထုတ်ပြန်တဲ့ နေ့ကစပြီး ၆ လအတွင်း Online လုပ်ငန်းကို မဖြစ်မနေမှတ်ပုံတင်ရမှာဖြစ်ပြီး မလိုက်နာသူများကို အရေးကြီး ကုန်စည်နှင့် ဝန်ဆောင်မှုဥပဒေ ပုဒ်မ ၅ အရ ထောင်ဒဏ်အပြင် ဒဏ်ငွေလည်း ချမှတ်ခံရမှာဖြစ်ပါတယ်။
MK 005
#MeKongNews
#အွန်လိုင်း
#ဈေးရောင်း
#စစ်ကောင်စီ