မဲခေါင်၊ ဖေဖော်ဝါရီ ၁၆

မြန်မာနိုင်ငံ မိုင်းလားဒေသမှတဆင့် တရုတ်နိုင်ငံကို ဖရဲသီးတင်ပို့ရာမှာ လမ်းခရီးကြန့်ကြာမှုကြေင့် ပုပ်သိုးပျက်စီးတာတွေကြောင့် ဆုံးရှုံးမှုတွေ များနေတယ်လို့ သစ်သီးကုန်သည်တွေဆီက သိရပါတယ်။

ရှမ်းပြည်မြောက်ပိုင်း၊ တောင်ပိုင်းနဲ့ ပြည်မအလယ်ပိုင်းက ထွက်တဲ့ သစ်သီးဝလံတွေကိုရှမ်းအရှေ့ ကျိုင်းတုံ ကတဆင့် အထူးဒေသ (၄) မိုင်းလားကနေ တရုတ်နိုင်ငံကို ပို့ဆောင်နေတာပါ။

လမ်းခရီးကြန့်ကြာခက်ခဲမှုနဲ့ ရာသီပူပြင်းမှုဒဏ်ကြောင့် ခြံမှတင်လိုက်တဲ့ လတ်ဆတ်တဲ့အသီးတွေဟာ တရုတ်နိုင်ငံထဲ ရောက်သွားချိန်ကြမှ ပျက်စီးပုပ်သိုး ကုန်တာအများဆုံးကြုံတွေ့နေရတယ်လို့ သိရပါတယ်။

အရောင်လိုတာတို့၊ ရက်မရောက်ပဲ အသီခူးကြတော့ ရောင်းကွင်းရောက်ချိန် အသီးပုပ်တာတို့ အများဆုံးဖြစ်ကြတယ်လို့ ကုန်သည်တစ်ဦးက ပြောပါတယ်။

ကားတင်ရင် အောက်သီးမနာအောင်တင်မှ၊ လေဝင်လေထွက်ကောင်းမှ၊ ၁၄ တန်လောက်ပဲတင်တာအပြင် အသီးအညှာခြောက်၊ မှိုတက်၊ သမင်ကွက်ပါ၊ ဖရုံမြောင်းပါ၊ ဆီစွန်းပါတာ၊ စပေါ့စက်ပါမတာ၊ ဂျပ်ဖါချောင်တာ စတဲ့ပြစ်ချက်များပါခဲ့ရင် စျေးကောင်း စျေးမှန်မရဘဲ ဖြတ်စျေး၊ အောက်စျေးပဲ ရမှာဖြစ်လို့ ရောင်းစျေးရဖို့ထက်အသီး လတ်ဆတ်ဖို့ အရေးကြီးတယ်လို့ ဆိုပါတယ်။

“စျေးတက်တယ်ဆိုပြီး ခူးတင်ကြတော့ ကားတွေကများပြီးရောင်းစျေးကျကုန်ရတယ်” လို့ သူက ပြောပါတယ်။

ယခုကျိုင်းတုံ-မိုင်းလားလမ်းကြောမှာ ဖရဲသခွါးကားအစီးရေ ၈၀၀ စီးခန့်ရှိနေပြီး ရာသီဥတုလဲ တနေ့တခြား ပူလာပြီဆိုတော့ အမြတ်ရဖို့မစဉ်းစားပဲစိုက်ပြီး အသီးတွေကို အရင်းရအောင် ရောင်းနိုင်ဖို့ပဲ အရေးကြီးတယ်လို့ ပြောပါတယ်။

ဖရဲသီးကို တရုတ်နိုင်ငံက ယူနန်၊ ရှင်းကျန်းစတဲ့ မြန်မာနိုင်ငံနယ်စပ်ကပြည်နယ်တွေကနေ တရုတ်-ရုရှားနယ်စပ်က ပြည်နယ်တွေအထိ သယ်ဆောင်ရောင်းချနေရတာဖြစ်လို့ အသီးတွေကိုဓာတုဆေးဝါး မသုံးဘဲ တာရှည်ခံအောင် လမ်းခရီးမြန်ဆန်ဖို့၊ အသီးလှဖို့ စျေးကွက်တောင်းဆိုချက်အတိုင်းရောင်းချနိုင်ဖို့ လိုအပ်တယ်လို့ သိရှိရပါတယ်။

MK-012

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)