မဲခေါင်၊ ဇန်န၀ါရီ ၂၉
ကချင်လွတ်လပ်ရေးတပ်မတော် (KIA) က တိုက်ခိုက်သိမ်းပိုက်ခဲ့သော ကချင်ပြည်နယ်၊ မံစီမြို့နယ်၊ မန်ဝိန်းကြီးနယ်မြေအတွင်းက စခန်းကုန်းများကို အမျိုးသားညီညွတ်ရေးအစိုးရ၊ ကာကွယ်ရေးဝန်ကြီး ဦးရည်မွန်နဲ့ KIA စစ်ဦးစီးချုပ် (အမှတ် ၁ စစ်ဒေသမှူး) ဒုဗိုလ်ချုပ်ကြီးခေါင်လွန်း (R Hkawng Lum) တို့ ဇန်န၀ါရီ ၂၁ မှာ သွားရောက် စစ်ဆေးခဲ့တယ်လို့ NUG က ဒီနေ့မှာ ထုတ်ပြန်ပါတယ်။
သိမ်းပိုက်ရရှိတဲ့ စခန်းကုန်းများ၊ မြို့ရွာနဲ့ စစ်လက်နက်ပစ္စည်းများကို ခရီးစဉ်အတွင်း စစ်ဆေးခဲ့ပြီး ဖမ်းဆည်းရမိသော စစ်သုံ့ပန်းတွေနဲ့လည်း တွေ့ဆုံခဲ့တယ်လို့ ဆိုပါတယ်။
စစ်ကောင်စီရဲ့ တပ်စခန်းတွေ မြို့ရွာတွေကနေ သိမ်းပိုက်ရရှိခဲ့တဲ့ လက်နက်ခဲယမ်းတွေကို ပြည်သူ့တော်လှန်ရေး ရဲဘော်တွေကို တပ်ဆင်ပေးသွားမှာလို့ NUG က ထုတ်ပြန်ပါတယ်။
#MeKongNews
#KIA
#NUG
