မဲခေါင်၊ အောက်တိုဘာ ၂

အပြည်ပြည်ဆိုင်ရာ အဏုမြူစွမ်းအင်အေဂျင်စီ (IAEA) ရဲ့ အထွေထွေညီလာခံမှာ တောင်ကိုရီးယားကိုရော၊ မြောက်ကိုရီးယားကိုပါ နျူကလီးယားပိုင် နိုင်ငံတွေအဖြစ် လက်မခံနိုင်ကြောင်းနဲ့ မြောက်ကိုရီးယားဟာ နျူကလီးယားမပြန့်ပွားရေး စည်းမျဉ်းတွေကိုလိုက်နာပြီး စီမံကိန်းတွေ ရပ်တန့်ဖို့ ဖိအားပေးထုတ်ပြန်ခဲ့ပါတယ်။

ဒါကြောင့် နျူကလီးယားလက်နက်တွေ တိုးမြှင့်ထုတ်လုပ်နေပြီး ကြိမ်ဖန်များစွာ စမ်းသပ်ပစ်ခတ်နေတဲ့ မြောက်ကိုရီးယားက IAEA ဟာ အမေရိကန် ငွေကြေးပေးကမ်းထားတဲ့ အခကြေးစားအာဘော်အဖွဲ့ကြီးဖြစ်ကြောင်း အမည် မဖော်ပြတဲ့ မြောက်ကိုရီးယားနျူကလီးယားစွမ်းအင် ဝန်ကြီးဌာန ပြောရေးဆိုခွင့်ရှိသူက နိုင်ငံပိုင် KCNA မီဒီယာကနေ တုံ့ပြန်တိုက်ခိုက်သွားပါတယ်။

“အမေရိကန်နဲ့မဟာမိတ်တွေရဲ့ ပူးပေါင်းကြံစည်မှုရလဒ်ပါ။ မြောက်ကိုရီးယားက နျူကလီးယားလက်နက်ပိုင် ဆိုင်တဲ့နိုင်ငံဆိုတာ နောက်ပြန်ဆုတ်လို့မရတော့ပါဘူး။ IAEA က နိုင်ငံတကာနျူကလီးယားပြန့်ပွားမှု တားဆီး ကာကွယ်ရေးလုပ်တယ်ဆိုရင် နျူကလီးယားပိုင်နိုင်ငံတွေရဲ့ ဖိအားပေးခိုင်းစေမှုကို မခံသင့်ဘူး။ အမေရိကန်ရဲ့ မဟုတ်တမ်းတရား စွပ်စွဲမှုတွေဖြစ်တဲ့ ကျွန်တော်တို့ နျူကလီးယားလက်နက်တွေအလွန်များပြားစွာ၊ စိုးရိမ်စရာထုတ်နေတယ်ဆိုတာ မျိုး ကိုယ်တိုင် စုံစမ်းသင့်တယ်။ ဥပမာ တကယ်ခြိမ်းခြောက်နေတဲ့ ဖူကူရှီးမား ဓာတ်သတ္တုသင့် ရေဆိုးတွေ လွှတ်နေတာမျိုးပေါ့။ ခုလုပ်ပေါက်က အမေရိကန်ရဲ့ အခကြေးစား အာဘော်အဖွဲ့ကြီးလိုဖြစ်နေပြီ” လို့ ထုတ်ပြန် သွားခဲ့တာဖြစ်ပါတယ်။

မြောက်ကိုရီးယားနိုင်ငံဟာ အရင် IAEA မှာပါဝင်ခဲ့ပေမယ့် ၂၀၀၉ ခုနှစ်မှာသူတို့ကျွမ်းကျင်စုံစမ်းရေးပညာရှင်တွေ ထုတ်ပယ်ခံရပြီးနောက် အဖွဲ့ကနေ နုတ်ထွက်ပြီး နျူကလီးယားစမ်းသပ်မှုတွေကို စတင်လုပ်ဆောင်နေခဲ့တာဖြစ်ပါတယ်။

Ref: asahi
MKF-001

#MeKongNews

#မြောက်ကိုရီးယား

#အမေရိကန်

#နျူကလီးယား

#IAEA

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)