မဲခေါင်၊ ဇန်နဝါရီ ၉
ဥရောပနှင့် အမေရိကအား ကာကွယ်ပေးနိုင်ရေး အတွက် အာတိတ်ဒေသရှိ မဟာဗျူဟာကျသော တစ်စိတ်တပိုင်း ကိုယ်ပိုင် အုပ်ချုပ်ခွင့်ရ ဂရင်းလန်းကျွန်းကို အရယူရာတွင် စစ်ရေး စွက်ဖက်မှုပါ လုပ်နိုင်ကြောင်း အမေရိကန်သမ္မတ ဒေါ်နယ်ထရမ့်က ပြောဆိုခဲ့ပြီး နောက်ဆက်တွဲ အဖြစ် ထရမ့် သည် ဂရင်းလန်း ပြည်သူတိုင်းအား ဒေါ်လာ တစ်သောင်းမှ တစ်သိန်းအထိ ပေးပြီး အမေရိကန် လက်အောက်သို့ သွတ်သွင်းရန် ကြံစည်နေကြောင်း သိရသည်။
ဂရင်းလန်းသည် ဒိန်းမတ် နယ်နိမိတ်ထဲတွင် ရှိနေကာ အမေရိကန်က လိုချင်နေခြင်းကို လက်မခံနိုင်ဟု ဝန်ကြီးချုပ် မက်တီ ဖရိုင်းဒရစ်ဆန် ကိုယ်တိုင်က ငြင်းဆိုထားသလို ဂရင်းလန်း ပြည်သူများကလည်း မိမိတို့ကျွန်းမှာ ရောင်းရန်မဟုတ်ဟု တုံ့ပြန်ထားသော်လည်း တရုတ်နှင့် ရုရှား၏ နျူကလီးယား ဒုံးကျည်ဖြင့် ပစ်ခတ်လာနိုင်သော အန္တရာယ်အား နေတိုးအဖွဲ့လည်း ကာကွယ်ရေး ဘတ်ဂျက် နည်းပါးစွာအသုံးပြုနေ ခြင်းကြောင့် မကာကွယ်နိုင်၊ ဒိန်းမတ်လည်း မကာကွယ်နိုင်သဖြင့် မိမိတို့က အကာအကွယ် ပေးနိုင်ရေး အမေရိကန် ပိုင်နက်အဖြစ် လိုချင်ခြင်း ဖြစ်သည်ဟု ထရမ့်က ပြောဆိုခဲ့သည်။
အမေရိကန်၏ သိမ်းပိုက်လိုခြင်းသည် နေတိုးအဖွဲ့အား နိဂုံးချုပ်သလို ဖြစ်လာနိုင်သည်ဟု မက်တီ ဖရိုင်းဒရစ်ဆန်က သတိပေးပြောဆိုခဲ့သော်လည်း အမေရိကန် ဒုသမ္မတ ဂျေဒီဗန် ့စ်ကလည်း နောက်ဆက်တွဲ ပြောဆိုမှုအဖြစ် ဂရင်းလန်းသည် အလွန် အရေးပါသော ကျွန်းဖြစ်နေကာ ဥရောပမှ လုံလောက်သည့် အကာအကွယ် မပေးနိုင်သဖြင့် အားလုံးအတွက် အကာအကွယ် ပေးနိုင်ရေး သမ္မတ ထရမ့်က ပြောနေရခြင်း ဖြစ်ကြောင်း၊ လူများက တရုတ်နှင့် ရုရှားတို့၏ ဒုံးကျည် ရန်စွယ်များအား ဥရောပနှင့် အမေရိကအတွက် ကြားခံ ကာကွယ်ပေးနိုင်မည ့်အဓိကအကျဆုံး နေရာသည်ဂရင်းလန်း ဖြစ်နေကြောင်း၊ ဘုရားသခင်က တရုတ်နှင့် ရုရှားကို ဒုံးကျည်များဖြင့် အန္တရာယ်မပြုရန် တားဆီးလျှင်ပင် တစ်စုံတ ယောက်က နျူကလီးယား ဒုံးကျည်ဖြင့် ဥရောပနှင့် အမေရိကတိုက်သို့ ပစ်ခတ်ခဲ့ပါက ဂရင်းလန်းတွင် တည်ဆောက်မည့် ဒုံးကျည်ရန် ကာကွယ်ရေးစနစ်ကသာ တားဆီးနိုင်မည်ဟု ပြောကြားသွားခဲ့သည်။
အမေရိကန်သည် ဂရင်းလန်းအား မရအရ ယူရာတွင် ထရမ့် ခြိမ်းခြောက်သလို စစ်ရေးစွက်ဖက်မှုဖြင့် သိမ်းလျှင်သိမ်း၊ မသိမ်းလျှင်လည်း ဂရင်းလန်းနေ ပြည်သူ ၇၅၀၀၀ အား တစ်ဦး ဒေါ်လာတစ်သောင်းမှ တစ်သိန်းအထိပေးပြီး စုစုပေါင်း ဘတ်ဂျက် ဒေါ်လာ ၅ ဒသမ၇ ဘီလီယံ သုံးစွဲကာ စည်းရုံးသွားရန် လည်း တိုင်ပင်နေခြင်းဖြစ်သည်။
ကိုကလင်း
Ref:Thesun
#MeKongNews
#ဂရင်းလန်း
#ဒေါ်လာ
#အမေရိကန်
#သွတ်သွင်း
