မဲခေါင်၊ ဖေဖော်ဝါရီ ၁
ထိုင်းနိုင်ငံ ဖူခက်ကမ်းခြေမြို့တွင် ပြင်သစ်စုံတွဲ တစ်ပွဲ တုတ်တုတ် (TUK-TUK) ပေါ် လိင်ဆက်ဆံသည့် ဗီဒီယိုဖိုင် လူမှုကွန်ရက်ပေါ် ပျံ့နှံ့လာပြီးနောက် ခါသူရဲတပ်ဖွဲ့က သွားရောက်စုံစမ်းကာ ယင်းစုံတွဲကို ဘတ် ၅ ထောင် ဒဏ်ငွေရိုက်ခဲ့သည်။
ယင်းပြင်သစ်စုံတွဲသည် ပါတွန်တောင်သို့ အလည်သွားစဉ် ဖူးခက်နံပါတ်ပြား တပ်ထားသည့် တုတ်တုတ်ပေါ် ဝတ်လစ်စားလစ်ဖြင့် လိင်ဆက်ဆံနေသည်ကို ဗီဒီယိုရိုက်ပြီး ဇန်န၀ါရီ ၃၀ ရက်၌ လူမှုကွန်ရက်ပေါ် တင်ခဲ့ရာ ဒေသခံ ျားအတွက် ဒေါသထွက် ပေါက်ကွဲစရာခဲ့ဖြစ်သလို ဖူးခက်ကျွန်း ဂုဏ်သိက္ခာလည်း ထိခိုက်သည်ဟု ဝိုင်းဝန်းဝေဖန် နေခဲ့ကြသည်။
ထို့ကြောင့် ရဲတပ်ဖွဲ့က တုတ်တုတ်နံပါတ်ပြားကို ကြည့်ကာ မောင်းသူအား သွားရောက် မေးမြန်းခဲ့ရာတွင် ပြင်သစ်စုံတွဲအား မူအန်းခရိုင်၊ ရတ်ဆဒါခရိုင်ခွဲရှိ ဟိုတယ်တစ်ခုသို့ ပို့ပေးခဲ့ကြောင်း သတင်းပေးခဲ့သည်။
ထို့နောက် ဇန်နဝါရီ ၃၁ ရက်တွင် ဟိုတယ်သို့ သွားရောက်စစ်ဆေးရာ သံသယရှိသူ ဗယ်လန်တင်စီလင်း ယိုအန်နီနှင့် ခရီဇီယာဖရန့်စ်တို့အား ရဲစခန်းသို့ ခေါ်ဆောင်ပြီး ဘတ် ၅ ထောင် ဒဏ်ရိုက်ခဲ့ခြင်း ဖြစ်သည်။
ယမန်နှစ်ကုန်ပိုင်းကလည်း ဖူးခက်မှာပင် ပစ်ကပ်ကားအား အရှိန်ဖြင့် မြို့ပတ်မောင်းနေချိန် လူမြင်ကွင်းနောက်ခန်း၌ ရုရှားနိုင်ငံသားတစ်ဦးက ထိုင်းအမျိုးသမီးအား ဝတ်လစ်စားလစ်ဖြင့် လိင်ဆက်ဆံကာ ဗီဒီယိုရိုက်ခဲ့မှုကြောင့် ဖမ်းဆီးပြီး ထောင်ဒဏ် ချမှတ်ခဲ့ရသေးသည်။
ကိုကလင်း
Ref:Khaosod
#MeKongNews
#တုတ်တုတ်ပေါ်
#ဟိုတယ်
#ချစ်ရည်လူး
#ပြင်သစ်စုံတွဲ
#ဒဏ်ရိုက်ခံရ
