အဲဒီပြိုင်ပွဲကို ဒီနေ့ဒီဇင်ဘာ၂၇ ရက် မနက်ပိုင်းကကျင်းပခဲ့တာဖြစ်ပြီး ခရေပင်လမ်းခွဲကနေ စမ်းချောင်းမြို့နယ်အထိ သတ်မှတ်ထားပြီး ပြိုင်ပွဲဝင်စက်ဘီးသမားတွေက အဝါရောင်ဝတ်စုံတွေ ဝတ်ဆင်ထားတယ်လို့ ဒေသခံတွေက ပြောပါတယ်။
ပြိုင်ပွဲအောင်မြင်လား၊ မအောင်မြင်ဘူးလားကတော့ လူတိုင်းသိပါတယ်။ လမ်းတွေပိတ်တော့ ရုံးသွားရတဲ့သူတွေတော့ ဒုက္ခအတော်ရောက်ကြတယ်။ လူဆယ်ဂဏန်းလောက်နဲ့ ပြိုင်ပွဲလုပ်နေသေးတယ်။ တကယ်စီးတဲ့သူတွေနည်းပါတယ်။ ကျွန်တော်တို့လည်း စက်ဘီးလောကမှာရှိတော့ သိတယ်။ တစ်ချို့ဆို ပြိုင်ပွဲရောက်မှ ခုလိုစက်ဘီးနင်းဖူးတဲ့သူတောင် ပါသေးတယ်” လို့ ဒေသခံတစ်ဦးက ပြောပါတယ်။
စက်ဘီးပြိုင်ပွဲဝင်တွေအတွက် စစ်ကောင်စီက ပြည်လမ်းတစ်လျောက် လုံခြုံရေးအင်အားရာကျော် အသုံးပြုထားပြီး အရေးပေါ်လူနာတင်ယာဥ်တွေနဲ့ သူနာပြုတွေကိုလည်း လမ်းဆုံတိုင်းမှာထားရှိထားတယ်လို့ မျက်မြင်တွေ့သူတစ်ဦးက ပြောပါတယ်။
စက်ဘီးပြိုင်ပွဲကျင်းပနေတဲ့အတွက် ပြည်လမ်းမကနေသွားနေတဲ့ YBSယာဥ်တွေ သွားလို့မရတော့ဘဲ မြောက်ဥက္ကလာပဘက်နဲ့ ဗဟိုလမ်းဘက်တို့ကနေသာ သွားလာလို့ရတယ်လို့ ဒေသခံတွေကပြောပါတယ်။
ဓာတ်ပုံ – ပုံဟောင်းဖြစ်ပါတယ်။
