စကားဝိုင်း အစီအစဉ်မှာ ပါဝင် ဆွေးနွေးမယ့်သူတွေက ကိုထိန်လင်း (Kim Aris) ၊ ကိုပေါက် (ဒါရိုက်တာ) ၊ ဆရာမ နုယဉ် တို့ဖြစ်ပြီး မော်ဒရေတာ အဖြစ် ဘုန်းဆက်သွင်က ပြုလုပ် ပေးသွားမှာပါ။
ဖျော်ဖြေပွဲမှာတော့ အနုပညာရှင် ဒေးဗစ်လား၊ သရုပ်ဆောင် Russell တို့ ပါဝင်သွားမှာ ဖြစ်တယ်လို့ သိရပါတယ်။
“ကင်(မ်)နဲ့ ပြည်သူ အတူတူ” ဆိုတဲ့ အစီအစဉ်က စစ်ဘေးရှောင် ပြည်သူများ ရင်ဆိုင်နေရတဲ့ အခြေခံ အကျဆုံး ပြဿနာများကို ကူညီနိုင်ဖို့ လက်မှတ်စုဆောင်း သူဌေးလောင်းဆိုတဲ့ လှုပ်ရှားမှုကို ကင်မ်နဲ့ အတူ လက်တွဲပြီး လုပ်ဆောင်နေတာပါ။
လက်မှတ်တွေ စုဆောင်းပြီး သူဌေးလောင်း ဖြစ်လာတဲ့အခါ တောင်ပေါ်၊ မြေပြန့် စစ်ဘေးရှောင်နေရတဲ့ ပြည်သူပေါင်းများစွာရဲ့ လူနေမှု ဘဝတွေ တဆင့်မြင့်ဖို့ ကူညီပြီးသား ဖြစ်သွားပါလိမ့်မယ်။ ဘယ်အထိ ကူညီပြီးသား ဖြစ်သွားမလဲ မေးရင် စစ်ဘေးရှောင် ပြည်သူတွေရဲ့ လက်ရှိ ပြဿနာများကို ဖြေရှင်း ကူညီနိုင်မဲ့ အခြေခံ စီးပွားရေးတွေ ပြန်လည်ပတ်နိုင်ဖို့၊ ရပ်တည်လာနိုင်ဖို့နဲ့ ရေရှည် အကျိုးဖြစ်ထွန်းလာတဲ့ အထိ ကူညီပေးနိုင်ပါလိမ့်မယ်
လို့ ကင်(မ်)နဲ့ ပြည်သူ အတူတူ အစီအစဉ်က အသိပေးထားပါတယ်။
လက်မှတ် စုဆောင်းဖို့အတွက် လက်မှတ်တစ်စောင်ကို အမေရိကန် ဒေါ်လာ ၂၀ နဲ့ ညီမျှတဲ့ ငွေတန်ဖိုး၊ မြန်မာကျပ်ငွေဆိုရင် တစ်စောင်ကို ၅၀,၀၀၀ ကျပ်၊ ထိုင်းဘတ်ငွေဆိုရင် ၅၀၀ ဘတ်၊ မလေးရှား ရင်းဂစ် ဆိုရင် ၇၀ အစရှိတဲ့ နှုန်းထားတွေနဲ့ ရောင်းချပေးမှာ ဖြစ်တယ်လို့ သိရပါတယ်။
ကင်မ်နဲ့ ပြည်သူအတူတူ ဆိုတဲ့ လက်မှတ် ၁၀ စောင် ဝယ်ယူပြီးပါက လယ်ပိုင်ရှင်၊ အင်းပိုင်ရှင် (သူဌေးလေး) ပုံ ပါရှိတဲ့ အမှတ်တရ ဂုဏ်ပြုခံကတ် ရရှိမှာဖြစ်ပြီး လက်မှတ်အစောင် ၂၀ ဝယ်ယူပါက လယ်ပိုင်ရှင် ၊ အင်းပိုင်ရှင် (သူဌေးကြီး) ဆိုတဲ့ ဂုဏ်ပြုခံကတ် ရရှိမှာ ဖြစ်ပါတယ်။
ဂုဏ်ပြုခံကတ်တွေမှာ ကင်မ်ရဲ့ လက်မှတ်လည်း တစ်ပါတည်းပါရှိပြီး လက်မှတ်ဝယ်ယူထားတဲ့ သူတွေ အတွက် ဖေဖော်ဝါရီ ၁၂ ရက်မှာ ကင်မ်၊ ကိုပေါက်၊ ဆရာမနုယဉ်နဲ့ ကိုမောင်မောင်အေး တို့က တိုက်ရိုက် Live လွှင့်ပြီး ဆရာမ နုယဉ်ရဲ့ ပန်းချီကားကို ဂုဏ်ပြုချီးမြှင့်မှာ ဖြစ်တယ်လို့ သိရပါတယ်။
