မဲခေါင်၊ ဇူလိုင် ၃
ပြီးခဲ့သည့်ရက်ပိုင်းက ပြုံယမ်းမြို့တွင် မြောက်ကိုရီးယားခေါင်းဆောင် ကင်ဂျုံအန်သည် ရုရှား ယဉ်ကျေးမှုဝန်ကြီးနှင့်အတူ ယူကရိန်းစစ်ပွဲတွင် သေဆုံးပြီးပြန်ရောက်လာသည့် မြောက်ကိုရီးယား စစ်သည်အခေါင်းများအား လက်ခံကာ သံစုံတီးဝိုင်းဖြင့် လွမ်းဆွတ်ဖွယ် တေးသံများဖြင့် ဖျော်ဖြေခဲ့သော်လည်း နောက်ထပ် မြောက်ကိုရီးယားစစ်သည် ၃၀၀၀၀ ရုရှားဘက်မှ ကူတိုက်ခိုက်ရန် ထပ်မံ စေလွှတ်သွားဦးမည်ဟု သတင်းများ ထွက်ပေါ်နေသည်။
မြောက်ကိုရီးယားစစ်သည်အခေါင်း အနည်းဆုံး ၆ လုံးအား ကင်ဂျုံအန်လိုက်လံကြည့်ရှုစဉ် မျက်ရည်များကျခဲ့သော်လည်း ရုရှားနှင့် ကာကွယ်ရေးပူးပေါင်းဆောင်ရွက်ရေး သဘောတူစာချုပ် ချုပ်ဆိုထားခြင်းကြောင့် မကြာမီ နောက်ထပ်စစ်သည် ၃၀၀၀၀ ထပ်မံ စေလွှတ်ပေးရန် စုဆောင်းနေသည်ဟု မြောက်ကိုရီးယား အစိုးရအရာရှိများထံမှ သတင်းရရှိခြင်းဖြစ်သည်။
ပထမအကြိမ် ရုရှား၏ ယူကရိန်း သိမ်းပိုက်ခံ ကက်ရှ်ဒေသ ပြန်ရရေး ထိုးစစ်တွင် မြောက်ကိုရီးယားစစ်သည် ၁၁၀၀၀ စေလွှတ်ပေးခဲ့ကာ ကျဆုံးခဲ့သည့် ၃၀၀၀ နေရာထွင် ထပ်မံ စေလွှတ်ပေးသည့်အတွက် စုစုပေါင်း ၁၄၀၀၀ စေလွှတ်ပေးပြီး ဖြစ်သည်။
သို့သော် စီးပွားရေး၊ အစားအစာနှင့် စစ်ရေးအထောက်အကူများ ပြန်လည်ရရှိရန် ကင်ဂျုံအန်ဘက်မှ ရုရှားနှင့် သဘောတူညီချက်အရ ဇူလိုင်သို့မဟုတ် ဩဂုတ်လအတွင်း နောက်ထပ် မြောက်ကိုရီးယား စစ်သည် ၆၀၀၀ ဦးစွာစေလွှတ်ရန် စီစဉ်နေသည်ဟု တောင်ကိုရီးယား စစ်ထောက်လှမ်းရေးဘက်မှ သတင်းရရှိထားသည်။
ယခု ထပ်မံစေလွှတ်မည့် မြောက်ကိုရီးယားစစ်သည် ၃၀၀၀၀ သည် ရုရှား နယ်တွင်း၌သာ စစ်ကူဝင်ရောက်ခြင်းမဟုတ်ဘဲ ရုရှား၏ ယူကရိန်းနယ်မြေများ ထိုးစစ်မြှင့်သိမ်းပိုက်နိုင်ရေးအတွက် ပါဝင်တိုက်ခိုက်ရေးတွင် အသုံးချရန် စေလွှတ်ပေးမည်ဖြစ်ကြောင်းနှင့် ရုရှားဘက်မှ လက်နက်၊ ရိက္ခာနှင့် ကျည်များ အလုံအလောက် ထုတ်လုပ်ပေးသွားမည်ဟု သတင်းရရှိထားကြောင်း သိရသည်။
ကိုကလင်း
Ref: Thesun
#MeKongNews
#ရုရှား
#မြောက်ကိုရီးယား
#ယူကရိန်း
#ကင်ဂျုံအန်
