မဲခေါင်၊ အောက်တိုဘာ ၂၇

ဂါဇာကမ်းမြောင်ဒေသကို ထိန်းချုပ်ထားတဲ့ ဟားမက်စ်အဖွဲ့က သူတို့ အောက်တိုဘာ ၇ ရက်နေ့မှာ အစ္စရေးနယ်ထဲ ဖြတ်ကျော်တိုက်ခိုက်ပြီး ပြန်ပေးဆွဲခေါ်ဆောင်လာသူတွေထဲက အယောက် ၅၀ အထိဟာ အစ္စရေးရဲ့ လေကြောင်းတိုက်ခိုက်မှုတွေကြောင့် သေဆုံးခဲ့ပြီးဖြစ်တယ်လို့ အောက်တိုဘာ ၂၆ ရက်နေ့မှာ ထုတ်ပြန်သွားပါတယ်။

ဒီသတင်းကို AFP က ဖော်ပြခဲ့တာဖြစ်ပေမယ့် သတင်းမှန်ဟုတ်မဟုတ် မချင့်တွက်နိုင်သေးကြောင်း တစ်ပါတည်း ထည့်သွင်းဖော်ပြခဲ့ပါတယ်။

အစ္စရေးတပ်တွေဟာ အောက်တိုဘာ ၂၅ ရက်မှာ ဂါဇာကမ်းမြောင်ဒေသရဲ့ မြောက်ပိုင်းကို တင့်ကားတွေ၊ ခြေလျှင် တပ်သားများစွာနဲ့ ထိုးစစ်ဆင်ဝင်ရောက်ခဲ့ပြီး ဟားမက်စ်အခြေစိုက်နိုင်တယ်လို့ သတင်းရရှိတဲ့ ပစ်မှတ်နေရာတွေ ကို ဝင်ရောက်ခြေမှုန်းပြီး နောက်နေ့မှာ အစ္စရေးဘက် ပြန်လည် တပ်ဆုတ်ခဲ့ပါတယ်။

အစ္စရေး ကာကွယ်ရေးဝန်ကြီးဌာန တွစ်တာ (X) အကောင့်က ဂါဇာကို ကနဦး မြေပြင်စစ်ရေးဝင်ရောက်မှုဟာ နောက်တစ်ဆင့်စစ်ဆင်ရေးအတွက် ပထမအဆင့် ပြင်ဆင်မှုဖြစ်ကြောင်း၊ တင့်ကားတပ်နဲ့စစ်သည်တော်တွေဟာ တစ်ညတာဝင်ရောက်တိုက်ခိုက်ပြီး အခု အစ္စရေးနယ်ထဲ ပြန်လည်ဝင်ဗရာက်လာပြီဖြစ်ကြောင်း၊ ဂါဇာမှာ ဓားစာခံ အဖြစ် အယောက် ၂၂၂ ယောက်ကို ဟားမက်စ်တွေဖမ်းသွားကြောင်း ထုတ်ပြန်ခဲ့ပါတယ်။

Ref; livemint
MKF-001

#MeKongNews

#အစ္စရေး

#ဂါဇာ

#ဓားစာခံ

#သေဆုံး

#လေကြောင်း

#တိုက်ခိုက်မှု

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)