မဲခေါင်၊ ဇူလိုင် ၂၂
အမေရိကန်စစ်တပ်သမိုင်းမှာ ကျား၊ မ ခွဲခြားဆက်ဆံမှုရှိတယ်ဆိုတဲ့ ဝေဖန်မှုတွေကိုဖောက်ထွက်ပြီး အမေရိကန် သမ္မတ ဂျိုးဘိုင်ဒန်ဟာ ရေတပ်ကိုဦးဆောင်သူအဖြစ် အမျိုးသမီး ဗိုလ်ချုပ် လီဆာဖရန်ချက်တီကို အဆိုပြုလိုက်ပါတယ်။
အမေရိကန်စစ်ဌာနချုပ်အကြီးအကဲတွေအတွက် ဂျိုးဘိုင်ဒန်ရဲ့ ရွေးချယ်မှုဟာ အံ့အားသင့်စရာဖြစ်ခဲ့ရပြီး အားလုံး က ပစ္စိဖိတ်သမုဒ္ဒရာမှာ တရုတ်ရဲ့ စိန်ခေါ်လာမှုကို ကောင်းကောင်းရင်ဆိုင်ခဲ့တဲ့ အတွေ့အကြုံရင့် ဗိုလ်ချုပ် ဆမ်မြူရယ် ပါပါရိုကို အဆိုပြုမယ်ထင်ထားခဲ့ပေမယ့် မှန်းချက်တွေ လွဲချော်သွားရတာပဲဖြစ်ပါတယ်။
ဒီလိုမထင်မှတ်တဲ့ အဆိုပြုမှုနဲ့ပတ်သက်လို့ ဂျိုးဘိုင်ဒန်က ဖရန်ချက်တီဟာ လက်ရှိ ရေတပ် ဒုဦးစီးချုပ်ဖြစ်သလို လုပ်သက် ၃၈ နှစ်အတွင်း စစ်ဆင်ရေးဘက်မှာရော နိုင်ငံရေးနယ်ပယ်မှာပါ ထူးချွန်စွာ တာဝန်ထမ်းခဲ့သူဖြစ် ကြောင်း၊ အမေရိကန်ရေတပ်သမိုင်းမှာ ကြယ်လေးပွင့်အဆင့်ရတဲ့ ဒုတိယမြောက် အမျိုးသမီး စစ်သည်တော် လည်းဖြစ်လို့ ရေတပ်ချုပ်ရာထူးနဲ့ထိုက်တန်တယ်လို့ ရှင်းလင်းပြောကြားသွားခဲ့ပါတယ်။
ဂျိုးဘိုင်ဒန်ဟာ မနှစ်ကလည်း အမေရိကန်စစ်တပ်ဖွဲ့စည်းပုံအတွင်း ပထမဆုံး အမျိုးသမီး စစ်ဦးစီးချုပ်အဖြစ် ကမ်းခြေစောင့်တပ် ဦးစီးချုပ်ရာထူးကို ဗိုလ်ချုပ် လင်ဒါ ဖာဂန်ကို ခန့်အပ်ခဲ့ပါသေးတယ်။ အခု ဖရန်ချက်တီကို ရေတပ်ချုပ်အဖြစ် ခန့်အပ်ပြီးရင် သူမဟာ အမေရိကန်စစ်တပ် ပူးတွဲစစ်ဦးချုပ်တွေသမိုင်းမှာ ပထမဆုံး နေရာရ တဲ့ အမျီုးသမီးလည်း ဖြစ်လာတော့မှာပါ။
Ref: asiaone
#MeKongNews
#ဘိုင်ဒန်
#အမျိုးသမီး
#ရေတပ်ဗိုလ်ချုပ်
