မဲခေါင်၊ အောက်တိုဘာ ၁၀

ဘန်ကောက် ချာတူချက်ခရိုင်က နေအိမ်မှာ ထိုင်းနိုင်ငံဆိုင်ရာ ဒိန်းမတ်သံအမတ်ကြီးဟောင်းရဲ့ အလောင်းကို ပုပ်ပွသေဆုံးနေတာတွေ့ရကြောင်းထိုင်းရဲတပ်ဖွဲ့က အောက်တိုဘာ ၈ ရက်နေ့က ကြေညာခဲ့နောက် လူသတ်မှုကျူးလွန်တဲ့ မြန်မာဆယ်ကျော်သက်လူငယ်ဖြစ်ဟာ မြန်မာနိုင်ငံဘက် ထွက်ပြေးလွတ်မြောက်သွားတယ်လို့ ထပ်မံထုတ်ပြန်ခဲ့ပါတယ်။

စီစီတီဗီမှတ်တမ်းတွေနဲ့ သဲလွန်စတွေကို ရဲကစစ်ဆေးပြီးနောက် အသက် ၁၉ နှစ်အရွယ် မြန်မာနိုင်ငံသား စိုင်းမြတ်မိုးဆိုသူက ၆၃ နှစ်အရွယ် နေအိမ်မှာတစ်ဦးတည်းနေထိုင်သူ ဗီချစ်ဆိုတဲ့ သံအမတ်ကြီးဟောင်းဆီက ATM ကတ် Pin နံပါတ်ကို ဓားပြပြီး ခြိမ်းခြောက်တောင်းဆိုပြီး နံပါတ်ရသွားချိန်မှာ ဓားနဲ့ ၃ ချက် ထိုးသတ်ကာ ဖုန်း၊ Tablet အပါအဝင် အိမ်ထဲက တန်ဖိုးရှိမယ်ထင်တာတွေကို ယူဆောင်ထွက်သွားတာလို့ ဆိုပါတယ်။

ATM ကတ်ထဲက ပိုက်ဆံ ဘတ် သိန်းချီကို ၂ နေရာမှာ ထုတ်သွားပြီး မိုချစ်ကနေ ဘက်စ်ကားစီးလို့ ချင်းရိုင်ခရိုင်၊ မယ်ဆိုင်နယ်စပ်ဂိတ်ကနေ စက်တင်ဘာ ၂၉ ရက် ထိုင်းဒေသစံတော်ချိန် မနက် ၇ နာရီ ၂၂ မိနစ်မှာ ပြန်ထွက်လွတ်မြောက်သွားတယ်လို့ ထုတ်ပြန်ရှင်းလင်းခဲ့ပါတယ်။

ဝီချစ်ဟာ အသစ်ဆောက်လုပ်ထားတဲ့ နေအိမ်ကို စက်တင်ဘာ ၉ ရက်နေ့က တစ်ယောက်တည်း ပြောင်းရွှေ့လာ ပြီးနောက် စိုင်းမြတ်မိုးဟာ ဝီချစ်အတွက် အလုပ်လုပ်ပေးဖို့ ဒီအိမ်ကို စက်တင်ဘာ ၁၉ ရက်နေ့မှာ ရောက်လာတာ ကို စီစီတီဗီမှတ်တမ်းဟောင်းမှာ မြင်တွေ့ရတယ်လို့ ဆိုပါတယ်။

စက်တင်ဘာ ၂၅ ရက်နေ့မှာ စိုင်းမင်းမြတ် ဒီအိမ်ကို နောက်တစ်ခေါက် ရောက်လာတာကို ဝီချင်ကိုယ်တိုင် တံခါးဖွင့်ပေးတာ မြင်တွေ့ရပြီး နောက် ၃ ရက်အကြာ နေအိမ်ဒုတိယထပ် အိမ်သာခန်းထဲ ထွက်ပြေးတဲ့ ဝီချစ်ကို ATM နံပါတ်တောင်းလို့ရအပြီး ဓားနဲ့ ၃ ချက် ထိုးသတ်ထွက် ပြေးသွားတာလို့ ဆိုပါတယ်။

Ref: bangkokpost
MKF-001

#MeKongNews

#ထိုင်းရဲ

#လူသတ်

#မြန်မာ

#သံအမတ်

#ထွက်ပြေး

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)