မဲခေါင်၊ မေ ၁၀
ဘင်္ဂလားပင်လယ်အော်မှာဖြစ်ပေါ်နေတဲ့ အားပြင်းတဲ့ မိုချားမုန်တိုင်းဟာ မေလ ၁၃ နဲ့ ၁၄ ရက်တွေမှာ ရခိုင်ပြည်နယ် မြောက်ပိုင်းကို ဝင်လာမှာဖြစ်တယ်လို့ မိုးလေဝသပညာရှင် မစုစုစံက ဒီကနေ့ ခန့်မှန်းပြောဆိုလိုက်ပါတယ်။
ရခိုင်ပြည်နယ်မြောက်ပိုင်းမှာ နေထိုင်တဲ့ပြည်သူတွေအနေနဲ့ မုန်တိုင်းအခြေအနေကို မျက်ခြေမပြတ် စောင့်ကြည့်ဖို့လိုအပ်တယ်လို့ သတိပေးထားပြီး ရခိုင်တောင်ပိုင်းနဲ့ဆက်စပ်ဒေသတွေဖြစ်တဲ့ ဧရာဝတီတိုင်း၊ ရန်ကုန်တိုင်း၊ မွန်ပြည်နယ်နဲ့ ကရင်ပြည်နယ်တွေကတော့ စိုးရိမ်စရာမရှိဘူးလို့ သုံးသပ်ပြောဆိုထားပါတယ်။
မိုချားမုန်တိုင်းနဲ့ အတူ မိုးရွာသွန်းမှုကတော့ နိုင်ငံအနှံအပြား ဖြစ်ပေါ်လာမှာကြောင့် ရေကြီးရေလျှံဖြစ်တတ်တဲ့ဒေသတွေ၊ နှစ်ချို့သစ်ပင်အိုတွေရှိတဲ့ နေရာတွေမှာတော့ မြေပြိုတာ၊ သစ်ပင်အိုတွေလဲကျတာတွေလည်းဖြစ်နိုင်တယ်လို့ မစုစုစံက သတိပေးထားတယ်။
မိုးလေဝသပညာရှင် ဦးဝင်းနိုင်ကတော့ မိုချာမုန်တိုင်းဟာ မြန်မာပြည်သူတွေရဲ့ အိမ်မက်ဆိုးဖြစ်ခဲ့ရတဲ့ နာဂစ်မုန်တိုင်းထက်ပြင်းထန်နိုင်တာ မှန်ပေမဲ့ ရခိုင်ရိုးမ တောင်တန်းတွေကြောင့် မုန်တိုင်းအရှိန်ပျော့နိုင်ပြီး ဧရာဝတီမြစ်ဝ ကျွန်းပေါ်ဘက်မှာဆိုရင်တော့ နာဂစ်ထက် ပိုပြီး ဖျက်ဆီးနိုင်တယ်လို့ ပြောဆိုထားပါတယ်။
မုန်တိုင်းအရှိန်ကြောင့် မိုးသည်းထန်စွာ ရွာသွန်းနိုင်ပြီး ခန့်မှန်းမိုးရေချိန် ၁၀ လက်မထိ ရွာသွန်းနိုင်တယ်လို့ ဦးဝင်းနိုင် က သုံးသပ်ပြောဆိုထားပါတယ်။
MK-007
#MeKongNews
#မိုချာမုန်တိုင်း
#ရခိုင်မြောက်ပိုင်း