မဲခေါင်၊ ဇူလိုင် ၁၅
မြန်မာနိုင်ငံ နယ်စပ်ဒေသများတွင် တရားမဝင် တူးဖော်နေသည့် မြေရှားနှင့် ရွှေတူးဖော်ရေး လုပ်ကွက်များကြောင့် ထိုင်းဘက်သို့ စီးဆင်းလာသည့် မြစ်ချောင်းများအတွင်း အန္တရာယ်အလွန်များသော ရေထုညစ်ညမ်းမှုများ ဖြစ်ပေါ် နေရမှုကို ကိုင်တွယ်ဖြေရှင်းပေးရန် အထောက်အထား အချက်အလက်များစွာဖြင့် ထိုင်းပြည်သူ့ပါတီ ဦးဆောင်သူ များက ဘန်ကောက်ရှိ တရုတ်သံရုံးမှတစ်ဆင့် တရုတ်အစိုးရထံ တင်ပြခဲ့သည်။
ဇူလိုင် ၁၃ ရက်တွင် ပြည်သူ့ပါတီ ခေါင်းဆောင်၊ လွှတ်တော်အမတ် နတ်သာပေါင်ရောင်ပန်ညာဝပ်နှင့် ချင်းမိုင် လွှတ်တော်အမတ် ပက်သရာပေါင်တို့ ဦးဆောင်သောအဖွဲ့သည် တရုတ်သံရုံးသို့သွားကာ သံအမတ်နှင့် တွေ့ဆုံပြီး မိုင်းလုပ်ကွက် ၂၆၇၆ ခုနှင့် ပူးပေါင်းကာ သိပ္ပံနည်းကျ စုံစမ်းဖော်ထုတ်ထားသည့် ရေထုညစ်ညမ်းခြင်းဖြစ်စဉ်အချက် အလက်များစွာကို တင်ပြခဲ့သည်။
တရုတ်အစိုးရအနေဖြင့် ယင်းနယ်စပ်ဖြတ်ကျော် ရေထုညစ်ညမ်းစေမှုအတွက် တရုတ်မိုင်းလုပ်ကွက်များကို စုံစမ်းစစ်ဆေးကာ ရေအရင်းအမြစ်များ ယခင်အတိုင်း ပြန်လည်ကောင်းမွန် လာရေး ပူးပေါင်းလုပ်ဆောင်စေလိုသည်ဟု တင်ပြခဲ့သည်။
ထိုင်း ညစ်ညမ်းမှုထိန်းချုပ်ရေးဌာန၊ သန်နာပိုသန်ရတ်နှင့် နာရက်ဆွမ် တက္ကသိုလ်တို့မှ ပညာရှင်များ စုံစမ်းစစ်ဆေးထားမှုများ၊ နမ့်ခုတ်၊ မယ်ဆိုင်၊ ရောက်ခ်၊ မဲခေါင်မြစ်များအတွင်း ရေထုညစ်ညမ်းနေမှုများအား တိုင်းတာစစ်ဆေးထားမှု အထောက်အထားသက်သေများဖြင့် တင်ပြခဲ့ခြင်းဖြစ် သည်။
အထူးသဖြင့် ကရာဘူရီမြစ်အတွင်း အာဆင်းနစ်နှင့် ခဲဓာတ်များ ပျော်ဝင်နေမှုသည် အန္တရာယ်အဆင့်ထက် များစွာပိုမိုကျော်လွန်နေကာ ထိုရေထုမှ အစာကွင်းဆက်များဖြစ်သော စိုက်ပျိုးသီးနှံများ၊ မြစ်များအတွင်းမှ ဖမ် ဆီးသည့် ငါးများထံ ရောက်ရှိကာ ဌာနေပြည်သူများ ကျန်းမာရေးကို ဆိုးရွားစွာ ထိခိုက်စေသဖြင့် မည်သူ့တွင် အပြစ်ရှိသည်ဟု ရည်ရွယ်ချက်မရှိဘဲ တရုတ်အစိုးရဘက်မှ မိုင်းလုပ်ကွက်များကို စုံစမ်းစစ်ဆေးစေခြင်း လုပ်ဆောင်ပေးစေလိုကြောင်း၊ သက်ဆိုင်ရာ နိုင်ငံများအားလုံးပူးပေါင်းကာ မြစ်ရေများ ယခင်သဘာ၀ဖြစ်စဉ် အတိုင်းပြန်လည် သန့်ရှင်းသွားစေရန် ပူးပေါင်းလုပ်ဆောင်သွားစေလိုသည်ဟု ပြည်သူ့ပါတီခေါင်းဆောင်မှ ထိုင်းနိုင်ငံ တရုတ်သံအမတ်ကြီးထံ တင်ပြပြီး အများနှင့် သက်ဆိုင်သောကြောင့် ယခုတင်ပြမှုကို ပြည်သူတစ်ရပ်လုံးကိုပါ ကြေညာအသိပေးရခြင်း ဖြစ်သည်ဟု ပြောခဲ့သည်။
ကိုကလင်း
Ref:Khaosod
#MeKongNews
#မြန်မာဘက်
#တရုတ်မြေရှားလုပ်ကွက်
#ရေထုညစ်ညမ်းမှု
#တရုတ်သံရုံး
#ထိုင်းပြည်သူ့ပါတီ
