– ဦးဝင်းနိုင် (မိုးလေဝသပညာရှင်)
ရှမ်းပြည်အရှေ့ပိုင်းနှင့် မြောက်ပိုင်းဒေသများတွင် ယခုအပါတ်အတွင် မိုးများနိုင်ပြီး ရှမ်းပြည်တောင်ပိုင်းရှိ ကလောနှင့် အောင်ပန်းတို့တွင် မိုးသည်းထန်နိုင်သည်။
ပင်လယ်ပြင်မှ ထူးခြားသည့်မိုးလေဝသအခြေအနေ
– ဘင်္ဂလားပင်လယ်အော်အနောက်အလယ်ပိုင်း၊ ဩရိဿပြည်နယ်တောင်ပိုင်းနှင့် အန်ဒရာပရာဒက်ရှ်ပြည်နယ်မြောက်ပိုင်း ကမ်းခြေအနီးတွင် လေဖိအားနည်းရပ်ဝန်း ၁ ခု ဖြစ်ပေါ်နေသည်။
နောက်လာမည့် ၂ ရက်အတွင်း အနောက်-အနောက်မြောက်ဘက်၊ အိန္ဒိယနိုင်ငံကုန်းတွင်းသို့ ဩရိဿပြည်နယ်တောင်ပိုင်း၊ အန်ဒရာပရာဒက်ရှ်ပြည်နယ်မြောက်ပိုင်းနှင့် ချာတစ်စ်ဂါးပြည်နယ်တောင်ပိုင်းတို့အားဖြတ်ကျော်ဝင်ရောက်သွားနိုင်မည်ဖြစ်ကြောင်း သိရသည်။
– စက်တင်ဘာ ၁၃ ရက် နေ့လည် ၁၂ နာရီမှ ၁၅ ရက် နေ့လည် ၁၂ နာရီ – ၂၄ နာရီအတွင်း – မြန်မာနိုင်ငံအထက်ပိုင်းဒေသများ – ကချင်ပြည်နယ်၊ စစ်ကိုင်းတိုင်း၊ မန္တလေးတိုင်းမြောက်ပိုင်း၊ ရှမ်းပြည်တို့တွင် မိုးအသင့်အတင့်မှ နေရာကွက်၍ မိုးများနိုင်ပြီး ကျန်ပြည်နယ်တိုင်းဒေသများတွင် မိုးအနည်းငယ်မှ မိုးအသင့်အတင့်သာ ရွာနိုင်မည်။
ရှမ်းပြည်အတွင်း မိုးရွာသွန်းနိုင်မည့် အခြေအနေ
– ရှမ်းပြည်မြောက်ပိုင်း – လားရှိုး၊ မူဆယ်၊ ကွတ်ခိုင်၊ နမ္မတူ၊ ကျောက်မဲ၊ သီပေါ စသည့် မြို့နယ်များမှာ ၇ ရက်အတွင်း ရွာသွန်းရရှိနိုင်သည့်မိုးရေချိန် ၅ လက်မခန့်ရှိနိုင်၊ မိုးအသင့်အတင့်ရွာနိုင်မည်။
– ရှမ်းပြည် အရှေ့ပိုင်းက ကျိုင်းတုံ၊ မိုင်းဖြတ်၊ တာချီလိတ်၊ မိုင်းလားစသည့် မြို့နယ်များတွင် ၇ ရက်အတွင်း မိုးရေချိန် ၄ လက်မခန့် မိုးအသင့်အတင့်ရွာနိုင်သည်။
– ရှမ်းပြည်တောင်ပိုင်း – တောင်ကြီး၊ ကလော၊ ညောင်ရွှေ(အင်းလေး)ဒေသများတွင် ၇ ရက်အတွင်း ရွာသွန်းရရှိနိုင်မည့် မိုးရေချိန် ၇ လက်မခန့်အထိ ရှိနိုင်သည်။
ကလော/အောင်ပန်းမြို့နယ်များတွင် ခေတ္တမျှမိုးသည်းထန်နိုင်သည်။
– ရှမ်းပြည်အတွင်းရှိ ခရိုင်/မြို့နယ်အများစုတွင် မုတ်သုံမိုး ဆက်လက်ရွာသွန်းနေနိုင်ပြီး နေ့စဉ်ရွာသွန်းရရှိနိုင်မည့်မိုးရေချိန်ပမာဏ နည်းနိုင်ပါသည်။
အပူချိန်၊ လေတိုက်နှုန်း၊ လေထုစိုထိုင်းဆနှင့် လေထုညစ်ညမ်းမှုအခြေအနေ
– ယခု တစ်ပတ်အတွင်း ရှမ်းပြည်မြောက်ပိုင်းနှင့် အရှေ့ပိုင်းများ၏ အမြင့်ဆုံးနေ့အပူချိန်မှာ ၂၈°C နှင့် အနိမ့်ဆုံးညအပူချိန် မှာ ၂၂°C ခန့် ရှိနိုင်သည်။ ရှမ်းပြည်တောင်ပိုင်းတွင် အမြင့်ဆုံးနေ့အပူချိန် ၂၄°C နှင့် အနိမ့်ဆုံးညအပူချိန် ၁၈°C အထိရှိနိုင်သည်။
– ရှမ်းပြည်တခွင်တွင် ယခု ၁ ပတ်အတွင်း တောင်ဘက်နှင့် အနောက်တောင်ဘက်အရပ်များ၌ လေတိုက်နှုန်းအမြင့်ဆုံး တနာရီ ၁၅ မိုင်ခန့်ရှိနိုင်ပါသည်။
– ရှမ်းပြည်၏ လေထုစိုထိုင်းဆအခြေအနေများအနေနှင့် ရှမ်းပြည်မြောက်ပိုင်းနှင့် တောင်ပိုင်းဒေသများတွင် ၈၀% မှ ၁၀၀% ကြားတွင် ရှိနေနိုင်ပြီး၊ ရှမ်းပြည်အရှေ့ပိုင်းဒေသတွင် ၆၀% မှ ၈၀% ကြားတွင် ရှိနေနိုင်ပါသည်။
– လေထုစိုထိုင်းဆမြင့်မားချိန်များတွင် ခံစားရတဲ့အပူချိန် (Feels Like Temperature) သည် ၃၅°C ခန့်ရှိနေနိုင်သည်။
ရှမ်းပြည်တခုလုံးတွင် လေထုညစ်ညမ်းမှုအခြေအနေနှင့်စပ်လျဉ်း၍ လက်ရှိအချိန်ထိ စိုးရိမ်စရာမရှိပေ။
#MeKongNews
#မိုးလေဝသခန့်မှန်းချက်
#ရှမ်းပြည်
#ဦးဝင်းနိုင်
