ဇနီးကို ပစ်သတ်ခဲ့တဲ့ အမျိုးသားကို ထိုင်းရဲတွေ အသေပစ်ခတ် ဖမ်းဆီး
မဲခေါင်၊ ဒီဇင်ဘာ ၂၇
ထိုင်းနိုင်ငံ အယုဒ္ဓယမြို့မှာ ဒီဇင်ဘာ ၂၅ ရက်က ထိုင်းအမျိုးသားတစ်ယောက်ဟာ နေအိမ်ထဲ ဇနီးဖြစ်သူကို ပစ်သတ်ခဲ့ပြီးနောက် လာရောက်ဖမ်းဆီးတဲ့ ရဲတပ်ဖွဲ့ကိုပါ ပစ်ခတ်ရာက အပြန်အလှန်ပစ်ခတ်မှုဖြစ်ပွားပြီး နောက်ဆုံး အသေသာ ဖမ်းဆီးရမိခဲ့ပါတယ်။
အသက် ၅၁ နှစ်ရှိပြီဖြစ်တဲ့ ဝါဆန်ဆိုသူဟာ ၄၆ နှစ်အရွယ် ဇနီးကို အယုဒ္ဓယမြို့ ဘန်ဆိုင်အရပ်က နေအိမ်ထဲမှာ သေနတ်နဲ့ ပစ်ခတ်သတ်ဖြတ်ခဲ့ပြီး ရဲတပ်ဖွဲ့က လက်နက်ချ အဖမ်းခံဖို့ အိမ်ရှေ့ မီတာ ၆၀၀ အကွာကနေ ဖြောင်းဖျပေမယ့် မရဘဲ ပြန်လည်ပစ်ခတ်ရာမှာ ရဲတပ်ဖွဲ့ဝင် အယောက် ၅၀ လောက်နဲ့ အချက်ပေါင်း ၇၅ ချက် ဝန်းကျင်အထိ အပြန်အလှန်ပစ်ခတ်ကြပြီး နောက်ဆုံး အသေသာ ဖမ်းဆီးရမိခဲ့တယ်လို့ ရဲတပ်ဖွဲ့က ထုတ်ပြန်ပါတယ်။
ကနဦး ပစ်ခတ်မှုမှာ သေစေနိုင်တဲ့ ကျည်မသုံးခဲ့ပေမယ့် ဝါဆန်ဘက်က ပစ်ခတ်တဲ့ ကျည်ဟာ သေစေနိုင်တဲ့ ကျည်နဲ့ လက်နက်ဖြစ်နေလို့ ရဲတပ်ဖွဲ့ဘက်က အရာရှိတစ်ဦးနဲ့ တခြားတပ်သားတချို့ ဒဏ်ရာရပြီးနောက် သေစေ နိုင်တဲ့ လက်နက်နဲ့ပစ်ခတ်ခဲ့ရတယ်လို့လည်း ရဲဘက်က ထုတ်ပြန်ပါတယ်။
Ref: Khaosod English
MKF-001
#MeKongNews
