ကွတ်ခိုင်မှာ စစ်ကောင်စီက လေကြောင်းကနေ ပေါင် (၅၀၀)ဗုံးကြဲ၊ နှစ်လသားအရွယ်အပါအဝင် သုံးဦးသေဆုံး၊ ၁၃ ဦးဒဏ်ရာရ
မဲခေါင်၊ နိုဝင်ဘာ ၁၈
တအာင်းအမျိုးသားလွတ်မြောက်ရေးတပ်( TNLA )ထိန်းချုပ်ထားတဲ့ ရှမ်းမြောက် ကွတ်ခိုင်မြိုနယ်မှာ ဒီနေ့ နိုဝင်ဘာ ၁၈ရက်၊မနက် ၁၂နာရီကျော်မှာ စစ်ကောင်စီက လေကြောင်းနဲ့ ဗုံးကြဲခဲ့လို့ နှစ်လသားအရွယ် ကလေးအပါအဝင် သုံးဦးသေဆုံးခဲ့ကာ ၁၃ ဦးဒဏ်ရာရရှိခဲ့ပါတယ်။
ပြည်သူလူထုတွေ အိပ်ပျော်နေစဉ်မှာ စစ်ကောင်စီက လေကြောင်းကနေ ဗုံးကြဲခဲ့တာပါ၊ ဒဏ်ရာရရှိသူတစ်ချို့က ဒဏ်ရာပြင်းထန်ပြီး နှစ်လသားအရွယ်နဲ့ သူ့မိခင်သေဆုံးကာ နေအိမ်နဲ့ဆိုင်ခန်းများ ပျက်ဆီးသွားတယ်လို့ ကွတ်ခိုင်မြို့ နေထိုင်နေတဲ့ အမျိုးသားတစ်ဦးကပြောပါတယ်။
ကွတ်ခိုင်မြို့ ရပ်ကွက် ၄ ရေထွက်ဦးပန်းခြံစျေးအနီး က KK တည်းခိုခန်းနဲ့ မုန်းဝန်းခန်းမကြီးကြားက တရုတ်နှစ်ခြင်း ခရစ်ယာန်ကျောင်းကြီးဘေးတွေမှာ လေကြောင်းတိုက်ခိုက်မှုကြောင့် နေအိမ်အများ ပျက်ဆီးခဲ့တယ်လို့ ပြောပါတယ်။
မနေ့( နိုင်ဝင်ဘာ ၁၇ ရက်)ကလည်း TNLA ထိန်းချုပ်ထားတဲ့ ကျောက်မဲခရိုင် မိုင်းငေါ့မြို့နယ်မှာ စစ်ကောင်စီတပ်က လေကြောင်းနဲ့ ဗုံးကြဲမှု ပြုလုပ်ခဲ့တာကြောင့် ဒေသခံ လေးဦး ဒဏ်ရာရရှိပြီး နေအိမ် ၁၅ လုံးထက်မနည်း ပျက်ဆီးသွားခဲ့ပါတယ်။
ပြီးခဲ့တဲ့ နိုဝင်ဘာ ၁၆ ရက်မှာ စစ်ကောင်စီတပ်က လေကြောင်းနဲ့ TNLA ထိန်းချုပ်ထားတဲ့ နောင်ချိုမြို့ လုံစံကျေးရွာကို ဗုံးကြဲခံရပြီး ကလေးတစ်ဦး သေဆုံး၊ သုံးဦးဒဏ်ရာရရှိခဲ့ပြီး တအာင်းတပ်ထိန်းချုပ်ထားတဲ့ မြို့နယ်တွေကို စစ်ကောင်စီတပ်က နေစဉ်လေကြောင်းနဲ့ တိုက်ခိုက်ခဲ့ပါတယ်။
ဓါတ်ပုံ။ Photo CJ
MK 11
#MekongNews
#TNLAထိန်းချုပ်
#ရှမ်းပြည်မြောက်ပိုင်း
#ကွတ်ခိုင်
#စစ်ကောင်စီ
#ပေါင်၅၀၀ဗုံးကြဲ
#ပြည်သူသုံးဦးသေ၊
#ပြည်သူ၁၃ဦးဒဏ်ရာရ
