မဲခေါင်၊ ဇွန် ၁၄

ရှမ်းမြောက်၊ သီပေါမှ လားရှိုးသွား ကားလမ်းပေါ်က စဉ့်အင်ချောင်းကို ဖောင်နဲ့ဖြတ်သွားရတဲ့ ရှောင်ကွင်းလမ်းဟာ ရေတက်နေလို့ ဖောင်ဆိပ်မှာ ကားတွေရာချီပိတ်မိနေတယ်လို့ ဒေသသတင်းတွေအရ သိရပါတယ်။

ယာယီတံတား ရေကျော်နေတဲ့အပြင် ဖောင်ဆိပ်သွားလမ်းကိုလည်း ရေရောက်နေတဲ့အတွက် ကားတွေ ရာချီပိတ်မိနေတာဖြစ်တယ်လို့ သိရပါတယ်။

အချိန်ပေးမစောင့်နိုင်သူတွေအနေနဲ့ ကားကောင်းဖို့လိုပြီး စားနပ်ရိက္ခာအပြည့်အစုံပါရင် ကုံးမုံ-နမ့်မ-မောက်တောင်း ဘက်က ပတ်သွားလို့လည်းရပေမယ့် လမ်းအရမ်းဆိုးတယ်လို့ လမ်းခရီးသွားသူတွေက ပြောပါတယ်။

သီပေါ-ကျောက်မဲကြားက ကျင်သီတံတားကတော့ မြေဖို့ပြင်ဆင်ပြီးဖြစ်လို့ ကားတွေပုံမှန်သွားလာနေတယ်လို့ သိရပါတယ်။

MK-012

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)