မဲခေါင် မေ ၂၆
ရှမ်းပြည်တိုးတက်ရေးပါ(SSPP)အနေနဲ့ ရှမ်းပြည်ပြန်လည်ထူထောင်ရေးကောင်စီ (RCSS)ရဲ့ ချုံခိုတိုက်ခိုက်မှု(၆)ကြိမ်ကြုံခဲ့ရပေမယ့် ပြန်လည်တိုက်ခိုက်မှု အခုချိန်ထိ တစ်ကြိမ်မှ မရှိသေးဘူးလို့ မေ ၂၆ ရက်နေ့ က ထုတ်ပြန်လိုက်ပါတယ်။
RCSS ရဲ့ တပ်ဖွဲ့ဝင် ၃ ဦးနဲ့ လမ်းပြ ၂ ဦးဟာ မေလ ၃၁ ရက်နေ့က ရပ်ဆောက်မြို့နယ်အတွင်း ကွင်းဆင်းစစ်ဆေး နေတဲ့ SSPP တပ်ဖွဲ့ဝင်တွေကို မိုင်းဆွဲတိုက်ခိုက်လို့ တပ်သားတစ်ဦးသေဆုံးခဲ့ပြီး SSPPမှ တောင်းဆိုချက် ၃ ချက်ကို RCSS ဆက်ဆံရေးတာဝန်ခံ ထံပေးပို့တောင်းဆိုခဲ့သော်လည် အကြောင်းပြန်ကြားခြင်းမရှိဘူးလို့ ထုတ်ပြန်ထားပါတယ်။
SSPP ရဲ့ တောင်းဆိုချက်မှာ ချုံခိုတိုက်ခိုက်တဲ့ တပ်သား(၃) ဦးကို လွှဲပြောင်းပေးရန်နှင့် မလွှဲပြောင်းပါကာ မိုင်းပွန်-ဟိုပုံးလမ်းမကြီးရဲ့ မြောက်ဘက်ခြမ်းမှ အင်အားကို တောင်ဘက်သို့ရွေ့ပြောင်းပေးရန်ပါဝင်ပါတယ်။
RCSS အနေနဲ့ အကြောင်းကြားချက်ကို ပြန်လည်တုံပြန်ခြင်းမရှိတဲ့အပြင် Tai Freedom အာဘော်ကနေ ရှမ်းစာနဲ့ SSPP နဲ့ UWSA အပါအဝင် စစ်ကောင်စီတို့ ပူးပေါင်းနဲ့ပြီး RCSS ကို ထိုးစစ်ဆင်တိုက်ခိုက်တယ်လို့ ထုတ်ပြန်ချက်အား ကန့်ကွက်ကြောင်း ထုတ်ပြန်ထားခြင်းဖြစ်ပါတယ်။
လက်ရှိမှာ SSPP ဟာ စစ်ကောင်စီကို မတိုက်ခိုက်ပဲတွေ့ဆုံမှုရှိနေတဲ့ ရှမ်းတောင်၊ ဝမ်ဟိုင်းအခြေစိုက် ရှမ်းလက်နက်ကိုင်တပ်ဖွဲ့တစ်ဖွဲ့ဖြစ်ပြီးFPNCC မြောက်ပိုင်းမဟာမိတ် ၇ ဖွဲ့မှာပါဝင်နေတဲ့အဖွဲ့ဖြစ်ပါတယ်။
RCSS ကတော့ စစ်ကောင်စီနဲ့လုံးဝတိုက်ခိုက်ခြင်းမရှိသလို စစ်ကောင်စီနဲ့တွေ့ဆုံဆွေးနွေးနေတဲ့ ရှမ်းတောင် လွယ်တိုင်းလျန်အခြေစိုက် ရှမ်းလက်နက်ကိုင်တစ်ဖွဲ့ဖြစ်ပြီး ပြီးခဲ့တဲ့ ၂၀၂၃ ခုနှစ် နိုဝင်ဘာ ၂၉ ရက်မှာ ရှမ်းတပ်ဖွဲ့ နှစ်ဘက်တပ်ဖွဲ့ကြား အပစ်အခတ်ရပ်စဲဖို့ သဘောတူထားချက်ကို ယခုအခါထိတွေ့မှုတွေနဲ့ စစ်ရေးပဋိပက္ခအသွင်ပြန်ဖြစ်လာနေတာဖြစ်ပါတယ်။
MK-012
