မဲခေါင်၊ မေ ၁၆

ရှမ်းမြောက်၊ ကွတ်ခိုင်မြို့ရဲ့ ရှုခင်းသာမှာ လူငယ် ၂ ဦးရဲ့ ဆိုင်ကယ်နဲ့ဖုန်းတွေကို ဓားနဲ့ထောက်ပြီး လုယက်ခံရတဲ့အပြင် ထိုးကြိတ်ခံခဲ့ရတယ်လို့ သိရပါတယ်။

တမြန်နေ့ မေလ ၁၄ ရက် ည ၈နာရီခွဲအချိန်ခန့်က ကွတ်ခိုင်မြို့၊ ရပ်ကွက်-၈ မှာ ရှိတဲ့ ရှုခင်းသာ မှာ အင်တာနက်လာသုံးတဲ့ ဟိုကျန့်ရွာက မိုင်းအအေးနဲ့ မိုင်းအငေးတို့ကို ဆိုင်ကယ်နဲ့ ရောက်လာတဲ့ အမည်မသိ လူ ၃ ဦးက ဓားနဲ့ထောက်ကာ ထိုးကြိတ်ပြီး ဆိုင်ကယ်နဲ့ဖုန်းတွေကို လုယက်ပြီးထွက်ပြေးသွားတာလို့ သိရပါတယ်။

လုယက်သူတွေရဲ့ လက်ချက်ကြောင့် အလုခံရသူ လူငယ် ၂ ဦးရဲ့ မျက်နှာတွေမှာ ဖူးယောင်ဒဏ်ရာတွေရခဲ့တာရှိပြီး လုယက်သူတွေကို အမြန်ဆုံးဖမ်းမိနိုင်ဖို့ PSLF/TNLA ရဲ့ ကွတ်ခိုင်မြို့နယ် ရဲတပ်ဖွဲ့က လိုက်လံစစ်ဆေး ဆောင်ရွက်နေတယ်လို့ သိရပါတယ်။

MK-012

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)