မဲခေါင် ၊ ဇန်နဝါရီ ၁၈

ရက္ခိုင့်တပ်တော် – AA က ပလက်ဝဒေသတိုက်ပွဲအတွင်း တောင်ပုံယာပုံ သိမ်းဆည်းရမိခဲ့တဲ့ စစ်ကောင်စီရဲ့ လက်နက်များကို ဒီကနေ့မှာ ထုတ်ဖော်ပြသလာခဲ့ပါတယ်။

AA ထုတ်ဖော်ပြသတဲ့ သိမ်းဆည်းရမိလက်နက်တွေဟာ ပလက်ဝဒေသအခြေစိုက် စစ်ကောင်စီရဲ့ ရှေ့တန်းတပ်မဌာနချုပ်ဖြစ်တဲ့ ခလရ ၂၈၉ ၊ စကခ (၁၉) တို့ကို အပြီးအပြတ်သိမ်းပိုက်ပြီးတဲ့နောက် သိမ်းဆည်းရမိတဲ့လက်နက်တွေဖြစ်တယ်လို့ AA ကပြောပါတယ်။

AA ထုတ်ပြန်တဲ့ မှတ်တမ်းဓာတ်ပုံအရ သိမ်းဆည်းရမိတဲ့ လက်နက်တွေထဲမှာ တင့်ကား ၂ စီး နဲ့ အတွဲလိုက်ပစ်ဒုံးတွေပါ ပါဝင်တာကို တွေ့ရပါတယ်။

ဒါ့အပြင် လက်နက်ကြီးများ ၊ဟောင်ဝစ်ဇာ အမြှောက်လက်နက်များ ၊ ငါးကြင်းမီး စက်သေနတ်များ ၊ RPG များ၊ MA သေနတ်များ၊ ပစ္စတိုသေနတ်များ ၊ G3 သေနတ်များ ၊ ဗုံးသီးများ၊ မိုင်းများ၊ကျည်ဆံ၊ ခဲယမ်းများတို့လည်း တောင်ပုံ ယာပုံ အများအပြား ပါဝင်ပါတယ်။
စစ်ကောင်စီရဲ့ ရှေ့တန်းတပ်မဌာနချုပ်ဖြစ်တဲ့ ခလရ ၂၈၉ ၊ စကခ (၁၉) တို့ကို AAက ဇန်နဝါရီလ ၁၀ ရက်နေ့ မနက် ၇ နာရီအချိန်မှာ AA ကအပြီးသတ်သိမ်းပိုက်နိုင်ခဲ့တာဖြစ်ပါတယ်။

လက်ရှိအချိန်မှာတော့ ပလက်ဝ ဒေသတစ်ခုလုံးက AAက သိမ်းပိုက်ထားပြီဖြစ်ပြီး ပလက်ဝ ဒေသကို စစ်ကောင်စီ ကင်းစင်နယ်မြေအဖြစ်လည်း ကြေညာထားပါတယ်။

CJ 002

#MeKongNews

#ပလက်ဝ

#စစ်ကောင်စီ

#ရက္ခိုင့်တပ်တော်

#သိမ်းမိ

#လက်နက်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)