မဲခေါင်၊ ဒီဇင်ဘာ ၇

ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်၊ မြို့သစ်ရပ်ကွက်ရှိ စစ်ကောင်စီနဲ့ ပြည်သူ့စစ်စခန်းကို တအာင်း(ပလောင်)အမျိုးသားလွတ်မြောက်ရေးတပ်မတော် (TNLA) က ဒီဇင်ဘာ ၁၀ ရက်မှာ သိမ်းယူခဲ့ပြီး သုံးပန်း ၇ ယောက်နဲ့ လက်နက် ၆၀ သိမ်းမိခဲ့ပါတယ်။

အဲ့ဒီစခန်းသိမ်းအတွင်းက ၆၀ မမ လက်နက်ကြီးအပါ၊ ပစ္စတို ၂ လက်၊ လက်နက်မျိုးစုံ ၅၈ လက်နဲ့အတူ သုံ့ပန်း ၇ ယောက်ကိုလည်း ဖမ်းမိခဲ့တယ်လို့ TNLA က ဒီနေ့ ဒီဇင်ဘာ ၁၁ မှာ ထုတ်ပြန်ပါတယ်။

နမ့်ဆန်မြို့နယ်က ကဒိုင်းဖူးတောင်စစ်ကောင်စီစခန်း၊ လွယ်ဆိုင်တပ်စခန်းနဲ့ နမ့်ဆန်ရဲစခန်းတွေကို တအာင်း(ပလောင်)လွတ်မြောက်ရေးတပ်မတော် (TNLA) က မနေ့ ဒီဇင်ဘာ ၁၀ ရက်မှာ သိမ်းပိုက်ခဲ့ပါသေးတယ်။

စစ်ကောင်စီစခန်းတွေကို တိုက်ခိုက်သိမ်းပိုက်ပြီး ရှင်းလင်းရေးလုပ်ဆောင်ရာမှာ လက်နက်ခဲယမ်းနဲ့ စစ်အသုံးအဆောင်ပစ္စည်းတွေကို သိမ်းမိခဲ့တယ်လို့ TNLA က ဒီနေ့မှာ ဓာတ်ပုံတွေနဲ့ထုတ်ပြန်ထားပါတယ်။

ဒါ့အပြင် လားရှိုးမြို့နယ်၊ အီနိုင်းကျေးရွာမှာရှိတဲ့ စစ်ကောင်စီရဲ့ ကာကင်းစခန်းကိုလည်း TNLA က ထပ်မံသိမ်းပိုက်ခဲ့ပါသေးတယ်။

သီပေါမြို့နယ်၊ စံဖိတ်ကျေးရွာအတွင်းမှာလည်း စစ်ကောင်စီတပ်နဲ့ TNLA၊ PDF ပူးပေါင်းအဖွဲ့တွေနဲ့ တိုက်ပွဲတွေဖြစ်နေပါတယ်။

နမ့်ခမ်းမြို့နယ်အတွင်းမှာတော့ တစ်ခုတည်းကျန်တဲ့ စစ်ကောင်စီစခန်းသစ်ကုန်းကို TNLA က တိုက်ခိုက်နေပြီး စစ်ကောင်စီဘက်ကလည်း လေကြောင်းပစ်ကူ၊ လက်နက်ကြီးပစ်ကူတွေနဲ့ အပြင်းအထန်ခုခံနေပါတယ်။

တအာင်း(ပလောင်)ဒေသတွင်းမှာ “၁၀၂၇ စစ်ဆင်ရေး” အတွင်း စစ်ကောင်စီစခန်း ၅၀ ကျော်ကို TNLA က သိမ်းပိုက်ထားပါတယ်။

#MeKongNews

#ကွတ်ခိုင်

#စစ်ကောင်စီ

#တအာင်း

#TNLA

#သိမ်းပိုက်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)