မဲခေါင်၊ ဖေဖော်ဝါရီ ၁၇
ရှမ်းပြည်တောင်ပိုင်း၊ မိုင်းပန်မြို့နယ်မှာ ရှမ်းပြည်ပြန်လည်ထူထောင်ရေးကောင်စီ (RCSS/SSA) ဥက္ကဋ္ဌ ဗိုလ်ချုပ်ကြီးရွက်စစ်က လူထုတွေ့ဆုံပွဲ ပြုလုပ်ခဲ့တယ်လို့ သိရပါတယ်။
ဒီတွေ့ဆုံပွဲကို ပြီးခဲ့တဲ့ ဖေဖော်ဝါရီလ ၁၄ ရက် မနက် ပိုင်းမှာ မိုင်းပန်မြို့နယ် နားမွန် ကျေးရွာမှာ ပြုလုပ်ခဲ့ပြီးဒေသခံရှမ်းတိုင်းသား တစ်ထောင်ကျော် တက်ရောက်ခဲ့တယ်လို့ သိရပါတယ် ။
ရှမ်းလူထုတွေ့ဆုံပွဲကို မိုင်းပန်မြို့နယ်မှာ ပထမဆုံးအကြိမ် ကျင်းပပြုလုပ်ခဲ့တာ
ဖြစ်ပြီး တွေ့ဆုံပွဲမှာ RCSS ဥက္ကဋ္ဌက လက်ရှိနိုင်ငံရေးအခြေအနေ၊ ရှမ်းအမျိုးသား သွေးစည်းညီညွတ်ရေး၊ RCSS ရဲ့ ပေါ်လစီနဲ့အုပ်ချုပ်ရေး အခြေအနေတွေကို ရှင်းပြခဲ့ကာ ဒေသခံပြည်သူတွေက သူတို့ရဲ့ အခက်အခဲများကို မေးမြန်းတင်ပြခဲ့ကြောင်း Tai Freedom မီဒီယာက ရှမ်းဘာသာနဲ့ ဖေဖော်ဝါရီလ ၁၅ ရက်မှာ ထုတ်ပြန်ထားပါတယ်။
အပစ်ရပ်စာချုပ် (NCA) လက်မှတ်ရေးထိုးထားတဲ့ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ Peace Process Steering Team (PPST) က ၈ ဖွဲ့မှာRCSS က အင်အားအများဆုံးနဲ့ ပါ၀င်နေပါတယ်။
လက်ရှိမှာ RCSS/SSA ဟာ NCA စစ်ကောင်စီရဲ့ အမျိုးသား စည်းလုံးညီညွတ်ရေးနဲ့ ငြိမ်းချမ်းရေးဖော်ဆောင်မှု ကော်မတီ NSPNC နဲ့လည်း ပုံမှန် တွေ့ဆုံဆွေးနွေးနေပြီး နိုင်ငံရေးပြဿနာကို တွေ့ဆုံဆွေးနွေးခြင်းနည်းလမ်းနဲ့ ဆက်ဖြေရှင်းမယ်လို့လည်း ဇန်နဝါရီလ ၂၉ ရက်က ထုတ်ပြန်ကြေညာ ထားပါတယ်။
MK-012