မဲခေါင်၊ မေ ၅
ရန်ကုန်၊ အောင်မင်္ဂလာ အဝေးပြေး ကားဝန်းထဲမှာ ဒီကနေ့ မနက်ပိုင်းက စတင်ပြီး အရပ်ဝတ် စစ်ကောင်စီ တပ်ဖွဲ့ဝင် အင်အား အများအပြား ရောက်ရှိနေပြီး မြဝတီက လာမယ့ ်ကားတွေကို စစ်ဆေးဖို့ စောင့်ဆိုင်း နေတယ်လို့ ဒေသခံတွေက မဲခေါင်သတင်းဌာနကို အတည်ပြု ပြောပါတယ်။
“ ဒီကောင်တွေ သတင်း တစ်ခုခု အတိအကျ ရထားတယ် ထင်တယ်။ အရပ်ဝတ်တွေနဲ့ မနက်ထဲက စောင့်နေတာ။ သူတို့ထဲက တစ်ယောက် ပြောတာကတော့ မြဝတီက ဆင်းလာမယ့် ကားကို စောင့်နေတာ ပြောတယ်။ ပါဆယ်ထုတ်လာဃူတဲ့ အဖွဲ့တွေကို ဖမ်းဖို့ ရှိတယ် ပြောတယ်။ ဒီကားဝန်းထဲမှာ ကင်းပုန်း ဝတ်နေတဲ့ အဖွဲ့တွေလည်းရှိတယ်။ ကားဝန်းထဲ လာရင် အားလုံး သတိထားကြပါ” လို့ ကားဝန်းထဲမှာ နေထိုင်တဲ့ ပြည်သူ တစ်ဦးက ပြောပါတယ်။
ရန်ကုန်မြို့အတွင်း မြို့နယ် တချို့ လူစည်ကားတဲ့ နေရာတွေမှာ စစ်ကောင်စီက ဒီကနေ့ မနက်ပိုင်း လူငယ်တွေကို အဓိက ပစ်မှတ်ထားပြီး ဖုန်းနဲ့အိတ်တွေကို ရှာဖွေစစ်ဆေးနေပြီး လူငယ် တချို့ ဖမ်းဆီး ခံထားရတယ်လို့ ကမာရွတ်မြို့နယ်မှာ နေထိုင်သူ တစ်ဦးက ပြောပါတယ်။
MK 005
#MeKongNews
#အောင်မင်္ဂလာ
#မြဝတီ
#အရပ်ဝတ်
