မဲခေါင်၊ ဖေဖော်ဝါရီ ၁၁

ရှမ်းပြည်တောင်ပိုင်း၊ အင်းလေးကန်အရှေ့ဘက်ရှိ စံကားဒေသအတွင်းက ပအိုဝ်းရွာတွေကို PNO ပြည်သူ့စစ်တွေ၊ တပ်သားသစ်တွေကို လစာထောက်ပံ့ရမယ်၊ မပေးတဲ့သူရဲ့ မြေယာတွေကို သိမ်းမယ်ဆိုပြီး အကြပ်ကိုင်ခြိမ်းခြောက်နေတယ်လို့ သိရပါတယ်။

အဲဒီလိုခြိမ်းခြောက်တာကို ဖေဖော်ဝါရီ ၉ ရက်က၊ လင်လန် မြောက်အုပ်စုအောင်ချမ်းသာ ကျေးရွာဘုန်းကြီးကျောင်းမှာ PNO/PNA တပ်ရင်း ၉ က တာဝန်ရှိသူတွေ အုပ်စုကော်မတီတွေက စံကားဒေသအတွင်းရှိ ပအိုဝ်းရွာတွေကိုဆင့်ခေါ်ခဲ့တယ်လို့ သိရပါတယ်။

စံကားဒေသအတွင်းက ပအိုဝ်းပြည်သူတွေကို ကျေးရွာတစ်ရွာလျှင်တပ်သား ၅ ယောက်ပေးဖို့လူမ ပေးသူများကလစာနဲ့အခြား ထောက်ပံ့ ကြေးတွေပေးဖို့ အကြပ်ကိုင်ဖိအားပေး ပြောကြားခဲ့တယ်လို့ သိရပါတယ်။

အဲဒီအတွက် အချိုးကျထောက်ပံ့ပေးဖို့ တစ်အိမ်ကို ၅၇၀၀၀ ကျပ်ကျပြီး ထွက်ပြေးရင် မြေယာသိမ်းမည်ဟု ခြိမ်းခြောက်ခဲ့တယ်လို့ ဒေသခံတွေက ပြောကြပါတယ်။

ညောင်ရွှေမြို့နယ်ထဲမှာပါဝင်တဲ့ စံကားအုပ်စုမှာ ပအိုဝ်းရွာပေါင်း ၄၀ ရှိပြီး လူဦးရေ ၁ သောင်းခန့်ရှိတယ်လို့ စုံစမ်းသိရှိရပါတယ်။

MK-012

#MeKongNews

#စံကားရွာ

#ခြိမ်းခြောက်

#ပြည်သူ့စစ်

#လူသစ်စု

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)