မဲခေါင်၊ ဖေဖော်ဝါရီ ၂၅
ဧရာဝတီတိုင်း၊ မော်လမြိုင်ကျွန်းမြို့နယ်၊ မြို့မ (၁၀) ရပ်ကွက်မှာ လက်ဖက်ရည်ဆိုင် ထိုင်နေတဲ့ မြို့နယ် YMBA ဥက္ကဋ္ဌ ကျော်တင်ဦး သေနတ်ပစ်ခံရလို့ ဆေးရုံ တင်ပို့ထားရတယ်လို့ ဒေသခံတွေက မဲခေါင်သတင်းကို ပြောပါတယ်။
ဖေဖော်ဝါရီ ၂၄ ရက်၊ နေ့လယ် ၁၂ နာရီကျော်က (၁၀) ရပ်ကွက်၊ ဗိုလ်ချုပ်လမ်းမမှာ ဖွင့်လှစ်ထားတဲ့ လက်ဖက်ရည်ဆိုင် ထိုင်နေစဉ် အမျိုးသား ၂ ဦး ရောက်လာပြီး သေနတ်နဲ့ ပစ်ခတ်ခဲ့တာ ဖြစ်တယ်လို့ ဒေသခံ တစ်ဦးက ပြောပါတယ်။
“ အားလုံး ထိုင်နေတာက ၃ ယောက် ထိုင်နေတာ။ ဇော်ဝင်းနဲ့ မြင့်နိုင် လည်း သူနဲ့အတူ လက်ဖက်ရည်ဆိုင်မှာ တဝိုင်းထဲ ထိုင်နေတာ။ ဆိုင်ကယ်နဲ့ အမျိုးသား ၂ ယောက် ရောက်လာပြီး သူ့တစ်ယောက်ထဲကို ပစ်ပြီး ထွက်သွားတာ။ သေတာတော့ မသေသေးဘူး။ နောက်ဘက် ကျောကုန်း မှန်တော့ မသေဘူး။ ဆေးရုံ တက်နေတယ်” လို့ သူကပြောပါတယ်။
သေနတ်ပစ်ခံရတဲ့ YMBA ဥက္ကဋ္ဌ ဖြစ်သူ ကျော်တင်ဦး မော်လမြိုင်ကျွန်းဆေးရုံမှာ တက်ရောက်ကုသနေရပြီး ဘယ်အဖွဲ့အစည်းက ဘာကြောင့် ပစ်ခတ်ခဲ့တယ် ဆိုတာတော့ မသိရသေးပါဘူး။
MK-005