မဲခေါင်၊ ဧပြီ ၃၀
ကရင်ပြည်နယ်၊ မြ၀တီမြို့နယ်၊ ကျောက်တောင် မဲကနယ်ဘက်မှာ စစ်ကောင်စီ၊ BGF ပူးပေါင်းတပ်တွေနဲ့ KNLA ၊ PDF ပူးပေါင်းတပ်ဖွဲ့တို့ တိုက်ပွဲဖြစ်ပွားနေတာ တစ်လနီးပါး ကြာမြင့်လာပြီး တိုက်ပွဲအတွင်း စစ်ကောင်စီက ဟောင်၀စ်ဇာ လက်နက်ကြီးတွေ၊ ပွိုင့် ၅ စက်လက်တွေပါ ဆက်တိုက်သုံးတိုက်ခိုက်လာတယ်လို့ ပါ၀င်တိုက်ခိုက်နေတဲ့ ရဲဘော်တစ်ဦးက မဲခေါင်သတင်းကို ပြောပါတယ်။
ဒုတိယ ကမ္ဘာစစ်မှာ တွင်တွင်ကျယ်ကျယ်စတင် အသုံးပြုလာတဲ့ ဟောင်၀စ်ဇာလက်နက်ကြီးဟာ ပေါက်ကွဲအားပြင်းထန်ပြီး လက်ရှိ မဲကနယ် တိုက်ပွဲတွေမှာ အတွဲလိုက်ပါ ပစ်လာတယ်လို့ PDF ရဲဘော်တစ်ဦးက ပြောပါတယ်။
“လက်ရှိတိုက်ပွဲတွေမှာ ဒီကောင်တွေက ၁၂၀ မမ တောင် သိပ်မသုံးတော့ဘူး။ ဟောင်၀စ်ဇာကို အတွဲလိုက်ပစ်တာ။ တော်တော်ပေါနေတဲ့ပုံပါပဲ ။ ဒီလက်နက်ကြီးက ပိုပြင်းတယ် ။ ဒီဘက်ကတော့ အထိအခိုက်မရှိပါဘူး။ ပွိုင့် ၅ တွေလည်း ရမ်းသမ်းပစ်နေတာ”လို့ သူကပြောပါတယ်။
လက်ရှိမှာတော့ မဲကနယ်ဘက်မှာ စစ်ကောင်စီ လက်အောက်ခံ BGF စခန်းကုန်းတစ်ကုန်းကို တိုက်ခိုက်သိမ်းပိုက်ထားပြီး စစ်ကောင်စီနဲ့ BGF ပူးပေါင်းအဖွဲ့တွေက စခန်းကုန်းကို ပြန်ရဖို့ ကြိုးစားနေလို့ တိုက်ပွဲတွေ ပြင်းထန်နေတယ်လို့ တိုက်ပွဲမှာပါဝင်နေတဲ့ ပြည်သူ့ကာကွယ်ရေးတပ်ဖွဲ့တွေထံမှ သိရပါတယ်။
ကရင်ပြည်နယ် အနှံ့မှာလည်း တိုက်ပွဲတွေ ပြင်းထန်နေလို့ ဒေသခံ ပြည်သူ သောင်းနဲ့ချီ နယ်စပ်က တစ်ဆင့် ထိုင်းနိုင်ငံမှာ စစ်ရှောင်နေကြရပါတယ်။
MK-007
#MeKongNews
#မဲကနယ်
#ဟောင်ဝစ်ဇာ
#စစ်ကောင်စီ