မဲခေါင်၊ ဖေဖော်ဝါရီ ၂၄
ရှမ်းပြည်တောင်ပိုင်း၊ မိုင်းရှူးမြို့အတွင်း SSPP က မနေ့ညပိုင်းမှာ ရှမ်းတိုင်းရင်းသား အမျိုးသားတွေကို အိမ်ထဲထိဝင် ဖမ်းဆီးပြီး ထွက်ပြေးတဲ့သူတွေကို သေနတ်နဲ့ပစ်ခေတ်တယ်လို့ မိုင်းရှူးဒေသခံတစ်ဦးက ပြောပါတယ်။
“ အိမ်တိုင်းဝင်ပြီး ဘာလူမျိုးလို့မေးတယ် ဗမာဆို သူတို့ဘာမှ မလုပ်ဘူး မေးပြီးပြန်ထွက်သွားတယ် ရှမ်းဆို ဖမ်းသွားတယ်။ ဒီညနေပဲ ကျနော် သူငယ်ချင်း ၁၀ ထက်နည်း ဖမ်းခံရတယ်” လို့ မဲခေါင်သတင်းဌာနကိုပြောပါတယ်။
SSPP တပ်ဖွဲ့ဝင် ၁၀၀ နီးပါး မိုင်းရှူးမြို့ထဲကို ရပ်ကွက်တိုင်းဝင်ပြီး စစ်ဆေးမှုတွေ ဖမ်းဆီးမှုတွေပြုလုပ်ခဲ့ပြီး သေနတ်နဲ့ပစ်ခတ်မှုကြောင့် ပြည်သူများကြောက်လန့်နေကြတယ်လို့ သူကဆိုပါတယ်။
မြို့အဝင်အထွက်တွေကို SSPP တပ်ဖွဲ့က ပိတ်ဆို့ထားပြီး မိုင်းရှုးမြို့လယ်တံတားမှာ ဂိတ်စောင့်နေကြတယ်လို့ နောက်ထပ် ဒေသခံတစ်ဦးကပြောပါတယ်။
“ မြို့ထဲမှာ အကုန်ဂယက်ထကြပြီး ထွက်ပြေးလဲမရဘူး။ ကျွန်မတို့အိမ်ဝင်တာ သေနတ်တွေ မိုးပေါ်ပစ်တာ ဘာအကြောင့်မှန်မသိဘူး ဝင်ပြီးမှ ကျွန်မတူလေး ဖမ်းသွားတယ်။ အသက်လဲမပြည့်သေးဘူး” လို့ပြောပါတယ်။
ပါနိမ့်ကျေးရွာနဲ့ ပန်ခမ်းကျေးရွာခံ ၈ ဦးကို SSPP က ပြီးခဲ့တဲ့ ဖေဖော်ဝါရီ ၁၃ ရက်နေ့မှာ ဖမ်းဆီးထားပြီး ယခုချိန်ထိ ပြန်မလွတ်သေးဘူးလို့ သိရပါတယ်။
SSPP ဟာ တပ်သားသစ်စုဆောင်းဖို့ ဖေဖော်ဝါရီ ၁၅ ရက်နေ့မှာ ရှမ်းဘာသာနဲ့ ထုတ်ပြန်ထားပါတယ်။
MK-011
#MeKongNews
#SSPP
#မိုင်းရှူး
#ဝင်ဖမ်း
#ရှမ်းတိုင်းရင်းသား