မဲခေါင်၊ နိုဝင်ဘာ ၉

တအာင်း အမျိုးသား လွတ်မြောက်ရေး တပ်မတော် TNLA နဲ့ မန္တလေး ပြည်သူ့ကာကွယ်ရေးတပ်ဖွဲ့-MDY PDF ပူးပေါင်းတပ်ဖွဲ့ဟာ နောင်ချို့မြို့နယ်၊ အုမ္မခါးကျေးရွာ အနီးမှာ စစ်ကောင်စီတပ်ကို တိုက်ခိုက်ရာ သံချပ်ကာကား တစ်စီးကို ပစ်ခတ် ဖျက်ဆီးနိုင်ခဲ့တယ်လို့ TNLA က ဒီကနေ့ ထုတ်ပြန်ပါတယ်။

မနေ့ည ၉ နာရီ ၄၅ မိနစ်မှာ သံချပ်ကာကား ၃ စီးနဲ့ စစ်ကူရောက်လာတဲ့ စစ်ကောင်စီတပ်ကို TNLA နဲ့ MDY PDF ပူးပေါင်းတပ်ဖွဲ့က တိုက်ခိုက်ရာမှာ သံချပ်ကာကား တစ်စီးကို ဖျက်ဆီး နိုင်ခဲ့တာဖြစ်ပြီး ကျန် ၂ စီးနဲ့ စစ်ကူတွေကတော့ နောက်ပြန်ဆုတ် ပြေးသွားခဲ့တယ်လို့ TNLA က ဆိုပါတယ်။

ညီနောင်မဟာမိတ်အဖွဲ့ရဲ့ ထုတ်ပြန်ချက်အရ ၁၀၂၇ စစ်ဆင်ရေးအတွင်း မဟာမိတ်တပ်ဖွဲ့တွေက စစ်ကောင်စီရဲ့ တင့်ကား၊ သံချပ်ကာကားတွေကို တိုက်ခိုက် သိမ်းပိုက် ဖျက်ဆီးခဲ့တာ စုစုပေါင်း ၇ စီး ရှိပြီလို့ ဆိုပါတယ်။

လက်ရှိ မဟာမိတ်တပ်ဖွဲ့တွေဘက်က နောင်ချိုမြို့နယ်၊ ဂုတ်တွင်းရှိ ရှုခင်းသာအထိ ထိန်းချုပ်ထားပြီး စစ်ကောင်စီနဲ့ နေ့စဉ် တိုက်ပွဲ ဖြစ်ပွားနေကာ ဒေသခံတွေ တိမ်းရှောင်နေရတယ်လို့ သိရပါတယ်။

CJ-002

#MekongNews

#ဂုတ်တွင်း

#TNLA

#သံချပ်ကာကား

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)