မဲခေါင်၊ ဧပြီ ၂၉
ပြီးခဲ့တဲ့ ဧပြီ၊ ၂၇ ရက်နေ့ညက ဗုံးကြဲခံခဲ့ရတဲ့ ကရင်နီပြည်၊ ဒီးမော့ဆို အနောက်ခြမ်းက စစ်ဘေးရှောင်စခန်းတွေ ဒီကနေ့ မနက်မှာ ထပ်ပြီး ဗုံးကြဲ တိုက်ခိုက် ခံနေရတယ်လို့ ဒေသခံတွေက ပြောပါတယ်။
ဒီးမော့ဆို အနောက်ဘက်ခြမ်းရှိ စစ်ဘေးရှောင် စခန်းကို ဒီကနေ့ မနက် ၁၀ နာရီကျော် ကတည်းက စစ်ကောင်စီ တောင်ငူလေတပ်က ဂျက်လေယာဉ် ၃ စီးနဲ့ ဒုတိယအကြိမ် ဗုံးကြဲပစ်ခတ် တိုက်ခိုက်နေတယ်လို့ သိရပါတယ်။
“ ဟိုနေ့ညက စစ်ရှောင် အမျိုးသား ထိသွားတဲ့ နေရာကိုပဲ ဝဲပြီးကြဲချတာ။ လေယာဉ်တွေရော၊ ပေါင် ၃၀၀ ဗုံးတွေရော၊ ပွိုင့်ဖိုက်တွေရောပါတယ်” လို့ ဒေသခံ အမျိုးသားတစ်ဦးက မဲခေါင်သတင်းကို ပြောပါတယ်။
ဧပြီ၊ ၂၇ ရက်ည မှာ ဗုံးကြဲခဲ့တဲ့ စစ်ဘေးရှောင် စခန်းနေရာကို အဓိကထား ထပ်မံ တိုက်ခိုက်ခဲ့ပြီး လွိုင်ကော်တပ်ကနေ လက်နက်ကြီးတွေနဲ့ ပစ်ခတ်နေရာ လက်ရှိ လူ ၃ ဦး ထိခိုက်ထားပြီး ကယ်ဆယ်ရေးအဖွဲ့တွေ ကူညီပေးနေတယ်လို့ သိရပါတယ်။
ဗုံးကြဲမှုကြောင့် နေအိမ်၊ စစ်ရှောင်စခန်းတွေနဲ့ မီးကြိုးတွေ ပျက်စီးနေပြီး ထိခိုက် ပျက်စီးမှု အသေးစိတ်ကိုတော့ စုံစမ်းနေဆဲ ဖြစ်ပါတယ်။
ပြီးခဲ့တဲ့ ဧပြီလ ၂၇ ရက်နေ့ ညက ဗုံးကြဲမှုမှာ အမျိုးသား တစ်ဦး လက်နက်ကြီးစ ထိမှန်လို့ နေရာမှာ ပွဲချင်းပြီး သေဆုံးခဲ့ပြီး အမျိုးသမီး တစ်ဦး ဒဏ်ရာရရှိခဲ့ပါတယ်။
CJ-001
#MeKongNews
#ဒီးမော့ဆို
#စစ်ရှောင်စခန်း
#ဂျက်လေယာဉ်