မဲခေါင်၊ စက်တင်ဘာ ၂၆

အမျိုးသားညီညွတ်ရေးအစိုးရ (NUG)၊ နိုင်ငံခြားရေးဝန်ကြီး ဒေါ်ဇင်မာအောင်ဟာ ယူကေနဲ့ကနေဒါ ကုလသမဂ္ဂအမြဲတမ်းကိုယ်စားလှယ်တွေနဲ့ စက်တင်ဘာ ၂၅ ရက်နေ့က တွေ့ဆုံခဲ့ပါတယ်။

ကုလသမဂ္ဂလုံခြုံရေးကောင်စီ ဆုံးဖြတ်ချက်အမှတ် ၂၆၆၉ အားချမှတ်ရာမှာ ယူကေနိုင်ငံရဲ့ ဦးဆောင်မှု အခန်းကဏ္ဍကို အသိအမှတ်ပြုကျေးဇူးတင်ရှိပါကြောင်းပြောကြားခဲ့ပြီး စစ်အုပ်စုကို လက်နက်တင်သွင်းမှု၊ လေယာဉ်ဆီတင်သွင်းမှုတို့အား ဥပဒေကြောင်းအရ ပိတ်ဆို့အရေးယူနိုင်ရေးကိုလည်း ဆွေးနွေးခဲ့တယ်လို့ သိရပါတယ်။

NUG နိုင်ငံခြားရေးဝန်ကြီးနဲ့အဖွဲ့ဟာ စက်တင်ဘာ ၂၁ ရက်နေ့ကလည်း အမေရိကန် လက်ထောက်နိုင်ငံခြားရေးဝန်ကြီးနဲ့တွေ့ဆုံခဲ့ပြီး စစ်ကောင်စီကို ဖိအားပေးအရေးယူနိုင်ရေး ဆွေးနွေးခဲ့ပါသေးတယ်။

အမေရိကန်နိုင်ငံရောက်နေတဲ့ NUG ဝန်ကြီးနဲ့အဖွဲ့ဟာ စစ်ကောင်စီက သံတမန်အရ နှင်ထုတ်ထားတဲ့ တီမောလက်စတေနိုင်ငံ သမ္မတနဲ့လည်း စက်တင်ဘာ ၂၁ ရက်မှာ တွေ့ဆုံခဲ့ပါသေးတယ်။

#MeKongNews

#စစ်ကောင်စီ

#NUG

#လက်နက်

#ယူကေ

#ကနေဒါ

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)