မဲခေါင်၊ ဖေဖော်ဝါရီ ၁၆
ရှမ်းပြည်တောင်ပိုင်း ဝမ်ဟိုင်း SSPP ဌာနချုပ်မှာ ဖေဖော်ဝါရီ ၁၅ ရက် နံနက် ၉ နာရီက လားဟူ ၊ လီဆူး ယဉ်ကျေးမူ နှစ်သစ်ကူးပွဲတော် အထိမ်းအမှတ်နဲ့ တွေ့ဆုံဂါရဝပြုပွဲ အခမ်း အနား ကျင်းပပြုလုပ်ခဲ့တယ်လို့ SSPP က သတင်းထုတ်ပြန်ပါတယ်။
အခမ်းအနားမှာ ရှမ်းပြည်တိုးတက်ရေးပါတီ ရှမ်းပြည်တပ်မတော် SSPP/SSA ဗဟိုဌာနချုပ် ဗဟိုကော်မတီဝင်များ (၇) ဦး ၊ လားရှိူး၊တန့်ယန်း၊ မိုင်းရှူး၊ ကျေးသီး၊ နမ့်စန်၊ ခိုလန်၊ မိုးနဲက လားဟူ တိုင်းရင်းသား ၂၇၃၈ ဦးနဲ့ လီဆူတိုင်းရင်းသား ၃၄၉ ဦးစုစုပေါင်း ၃၀၈၇ ဦးတို့ တွေ့ဆုံကြတယ်လို့ သိရပါတယ်။
အခမ်းအနားမှာ ရှမ်းပြည်တိုးတက်ရေးပါတီမှ ဗိုလ်ချုပ်ကြီး ဆေထင်က သြဝါဒဆုတောင်းစကားပြောကြားပြီး လားဟူလီဆူး တိုင်းရင်းသားများက လူကြီးများအား ရိုးရာလက်ဆေးကန်တော့ ဂါရဝပြုခဲ့တယ်လို့ သိရပါတယ်။
ရှမ်းပြည်တိုးတက်ရေးပါတီ ရှမ်းပြည်တပ်မတော် SSPP/SSA က လားဟူလီဆူး တိုင်းရင်းသားတွေကို ငွေကျပ်သိန်းပေါင်း၇၀၀ ပြန်လည် ချီး မြင့်လူဒါန်းခဲ့ပါတယ်။
ပြီးခဲ့တဲ့ နှစ် ဖေဖော်ဝါရီ ၅ ရက်နေ့ကလဲ အလားတူ ယဉ်ကျေးမူနှစ်သစ်ကူးပွဲတော် အထိမ်းအမှတ် နှင့် တွေ့ဆုံဂါရဝပြုပွဲ အခမ်းအနားကျင်းပပြုလုပ်ခဲ့ဖူးတယ်လို့ သိရပါတယ်။
လားဟူရှီ ခေါ် လားဟူ ဝါ၊ လားဟူန စတဲ့ လားဟူ တိုင်းရင်းသားတွေ ဟာ ရှမ်းပြည်နယ်တစ်ဝန်းလုံးမှာ နေထိုင်နေကြတာဖြစ်ပြီးနှစ်စဥ် ရိုးရာနှစ်သစ်ကူးပွဲတော်ကို ကျင်းပကြပါတယ်။
MK-012