မဲခေါင်၊ ဧပြီ ၁၃
ရှမ်းပြည်နယ်မြောက်ပိုင်း လားရှိုးမြို့ ရန်တိုင်းအောင်ကွင်းမှာ စစ်ကောင်စီပြုလုပ်တဲ့ သင်္ကြန်မဏ္ဍပ် ဒီနေ့ ဗုံးခွဲခံရပြီး လူ ၄ ဦးသေဆုံး ၁၀ဦး ဒဏ်ရာရတယ်လို့ ဒေသခံတစ်ဦးက မဲခေါင်သတင်းကိုပြောပါတယ်။
“ဟုတ်တယ်ဗျ။ ရန်တိုင်းအောင်ကွင်းမှာ အခွဲခံလိုက်ရတာ။ ကားပေါ်မှာ ဗုံးတင်ပြီး ကားထားခဲ့ပြီး ခွဲသွားတယ်လို့တော့ ပြောကြတယ်။ လူ ၄ ဦးသေတယ်။ ၁၀ ဦးကတော့ ဒဏ်ရာရတယ်လို့ကြားတယ်။ အတိအကျတော့မသိသေးဘူး”လို့သူကပြောပါတယ်။
သေဆုံးဒဏ်ရာရသူတွေဟာ စစ်ကောင်စီ လက်အောက်ခံ ၀န်ထမ်းတွေဟုတ်၊ မဟုတ် မဲခေါင်သတင်းအနေနဲ့ သီးခြားအတည်ပြုနိုင်တာတော့ မရှိသေးပါဘူး။
ပြီးခဲ့တဲ့ ရက်ပိုင်းက စစ်ကောင်စီက သူတို့လက်အောက်ခံ၀န်ထမ်းတွေကို သင်္ကြန်မဏ္ဍပ်တွေမှာ မဖြစ်မနေ လာရောက် ဆော့ရမယ်လို့ အမိန့်ထုတ်ထားပြီး တော်လှန်ရေးအင်အားစုတွေကလည်း စစ်တပ်သင်္ကြန်မဏ္ဍပ်တွေကို ပစ်မှတ်ထားတိုက်ခိုက်မယ်လို့ထုတ်ပြန်ထားကြကာ ပြည်သူတွေ မဏ္ဍပ်တွေကို မသွားပဲ အိမ်မှာ ဆော့ကစားကြဖို့ အသိပေးထားပါတယ်။
MK-007
#MeKongNews