မဲခေါင်၊ ဖေဖော်ဝါရီ ၉
မနေ့ ဖေဖော်ဝါရီ ၈ ရက်မနက်အစောပိုင်းက တာချီလိတ်မှာ ပျံလွန်တော်မူသွားတဲ့ နဂါးနှစ်ကောင်ဆရာတော်ရဲ့ ရုပ်ကလပ်တော်ရှိရာ မနေ့က နေ့လည်ပိုင်းမှာပဲ လာရောက်ခဲ့ပြီး နေ့ချင်းပြန်သွားခဲ့တယ်လို့ သိရပါတယ်။
ပျံလွန်တော်မူသွားတဲ့ သက်တော် (၉၇) နှစ် ဝါတော် (၇၇) ဝါရှိပြီဖြစ်တဲ့ နဂါးနှစ်ကောင်ဆရာတော်ကို စစ်ခေါင်းဆောင်မင်းအောင်လှိုင်နဲ့ အဖွဲ့က ဖေဖော်ဝါရီလ(၈)ရက် မွန်းလွဲပိုင်းက ရုတ်တရက်ရောက်ရှိလာပြီး အန္တိမအဂ္ဂိဈာပနပူဇာ အခမ်းအနားအတွက် ဆွေးနွေးပြီးနောက် ပြန်သွားတယ်လို့ သိရပါတယ်။
‘လာမယ်ဆိုတာတော့ ခန့်မှန်းမိတယ်၊ သူကိုးကွယ်တာကိုး၊ ခုလို နေ့ချင်းရောက်ပြန်တာတော့ မသိနိုင်ဘူး’ လို့ တာချီလိတ်ဒေသခံက ပြောပါတယ်။
စစ်ခေါင်းဆောင်က အန္တိမအဂ္ဂိဈာပန ကာလမှာ စီစဉ်စရာရှိတာတွေ စီစဉ်နိုင်ဖို့ ပြောသွားတယ်လို့ သူက ဆက်ပြောပါတယ်။
နဂါးနှစ်ကောင်ဆရာတော် ဘဒ္ဒန္တဓမ္မသီရိရဲ့ ရုပ်ကလာပ်တော်ကို ရက်ပေါင်း (၅၀)ကျော် ပူဇော်ခံထားမှာဖြစ်ပြီး နေ့စဥ် သံဃာတော်များက တရားများရွတ်ဆိုကန်တော့ကာ လာမယ့်၂၀၂၄ ခုနှစ် ဧပြီ ၆ ရက် စနေနေ့မှာ အန္တိမဈာပန အခမ်းအနား ကျင်းပပြုလုပ်မယ်လို့ သိရပါတယ်။
MK-012
#MeKongNews
#နဂါးနှစ်ကောင်
#စစ်ခေါင်းဆောင်
#စစ်ခေါင်းဆောင်
#တာချီလိတ်
