မဲခေါင်၊ ဖေဖော်ဝါရီ ၇
ရှမ်းပြည်မြောက်ပိုင်း၊ မူဆယ်ခရိုင်၊ ပန်ဆိုင်း (ကြူကုတ်) မြို့ရှိ မြို့မဈေး မီးလောင်ကျွမ်းမှုမှာ ဆိုင်ခန်း ၈၀ အပါအဝင် ဆုံးရှုံးမှုတန်ဖိုး မြန်မာကျပ်ငွေ သိန်း တစ်သောင်းကျော် ဆုံးရှုံးခဲ့ကြောင်း ကိုးကန့်သတင်းဌာနက ဖေဖော်ဝါရီ ၆ ရက်ညမှာ သတင်းထုတ်ပြန်ထားပါတယ်။
ပြီးခဲ့တဲ့ ဖေဖော်ဝါရီလ ၂ ရက်နေ့ မနက် ၂ နာရီ ဝန်းကျင်ခန့်က အဲဒီ ပန်ဆိုင်း မြို့မဈေးမှာ နှစ်ပေါငိး ၂၀ ခန့် လဲလှယ်ခြင်း မရှိလို့ ဆွေးမြေ့သွားတဲ့ လျှပ်စစ် မီးကြိုးကနေ စတင်ကာ မီးလောင်မှု ဖြစ်ပွားလာကြောင်း ထုတ်ပြန်ချက်မှာ ဖော်ပြထားပါတယ်။
မီးလောင်မှုမှာ လူသေဆုံးမှုမရှိပေမယ့် မီးလောင်ကျွမ်းသွားတဲ့ ဈေး ဧရိယာဟာ ၁,၁၅၆ စတုရန်းမီတာခန့်ရှိပြီး ဆိုင်ခန်း ၈၀ မီးလောင်ခဲ့ကာ ဆုံးရှုံးမှု ပမာဏ တန်ဖိုး တရုတ်ယွမ် ၂,၃၈၀,၀၀၀ (မြန်မာငွေ ကျပ် သိန်း တစ်သောင်းကျော်) ခန့်ရှိကြောင်း ထုတ်ပြန်ချက်မှာ ဖော်ပြထားပါတယ်။
မီး စတင်လောင်ကျွမ်းတဲ့ မနက် ၂ နာရီခန့်ကစ MNDAA နယ်မြေခံတပ်နဲ့ ဒေသခံပြည်သူတွေ ပူးပေါင်းပြီး သုံးနာရီခွဲခန့်ကြာ မီးငြှိမ်းသတ်ခဲ့ရာ မနက် ၆ နာရီ အချိန်တွင် မီး လုံးဝငြိမ်းသတ် နိုင်ခဲ့တယ်လို့ ဆိုပါတယ်။
“ မီးသတ်ကားက အစိုးရ မီးသတ် ရုံးက ထားခဲ့တာ။ အဲဒါကို ပြန်သုံးတာ။ တရုတ်နိုင်ငံ ဘက်ခြမ်းက မီးသတ်ကားတွေလည်း လာကူတယ် ထင်တယ်” လို့ ဒေသခံတစ်ဦးက ပြောပါတယ်။
မီးလောင်တဲ့ နေရာတွေကို MNDAA နယ်နမြခံတပ်ဖွဲ့တွေနဲ့ ရပ်မိ၊ ရပ်ဖ တွေ ပူးပေါင်းကာ ၂ ရက်ကြာ ရှင်းလင်းခဲ့ ကြပြီးနောက် ဈေး ပြန် ရောင်းနေကြပြီဖြစ်ကြောင်း သတင်းထုတ်ပြန်ချက်မှာ ပါပါတယ်။
ပန်ဆိုင်းမြို့ကိုတော့ မြောက်ပိုင်း မဟာမိတ် ပူးပေါင်းအဖွဲ့ရဲ့ ၁၀၂၇ စစ်ဆင်ရေး ကာလအတွင်း MNDAA နဲ့ ပူးပေါင်းအဖွဲ့တွေ သိမ်းထားတာဖြစ်ပြီး လက်ရှိ MNDAA အဖွဲ့ရဲ့ အုပ်ချုပ်ရေး ယန္တရား လည်ပတ် ထိန်းချုပ်ထားဝာာ ဖြစ်ပါတယ်။
CJ-008
#MeKongNews
#ပန်ဆိုင်း
#မီးလောင်
#ဈေး
#ဆုံးရှုံး