မဲခေါင်၊ ဒီဇင်ဘာ ၂၈
ရှမ်းပြည်နယ်မြောက်ပိုင်း၊ နမ္မတူမြို့ တအာင်းပလောင်အမျိုးသားလွတ်မြောက်ရေးတပ်မတော် (TNLA) က အပြီးသတ်သိမ်းပိုက်နိုင်ခဲ့ပြီးလို့ ရှေ့တန်းစစ်ရေးသတင်းရင်းမြစ်တွေအရ သိရပါတယ်။
နမ္မတူမြို့နယ်အတွင်းက စစ်ကောင်စီတပ်စခန်းတွေကို TNLA နဲ့ တော်လှန်ရေးပူးပေါင်းတပ်တွေက ဒီဇင်ဘာ ၂၀ ရက်နေ့မှာ စတင်တိုက်ခိုက်ပြီးနောက် ၈ ရက်အကြာမှာ မြို့တစ်ခုလုံးကို TNLA က ထိန်းချုပ်သိမ်းပိုက်နိုင်ခဲ့တာ ဖြစ်ပါတယ်။
တိုက်ပွဲတွေအတွင်း စစ်ကောင်စီဘက်က လေကြောင်းပစ်ကူတွေ အသုံးပြုခဲ့ပြီး မြို့တွင်းတိုက်ခိုက်ခဲ့တာကြောင့် ဒေသခံ ၂ ဦးသေဆုံးပြီး ၈ လသားအရွယ်အပါ ၇ ဦး ထိခိုက်ဒဏ်ရာရခဲ့ပါတယ်။
“ဒီမနက်တော့ တိုက်ပွဲတော့ ငြိမ်နေတယ်။ အရင်နေ့တွေကတည်းက ပစ်နေကြတယ်။ ထွက်ပြေးတိမ်းရှောင်တဲ့သူတွေတော့ တစ်ချို့တော့ ဒီနေ့ အိမ်ပြန်ကြတယ်။ ဒါပေမဲ့ လုံခြုံမူတော့မရှိဘူး” လို့ ဒီနေ့ ဒီဇင်ဘာ ၂၈ ရက် အခြေအနေနဲ့ပတ်သက်ပြီး နမ္မတူဒေသခံတစ်ဦးက မဲခေါင်သတင်းဌာနကို ပြောပါတယ်။
TNLA ထိန်းချုပ်ထားတဲ့ နမ္မတူမြို့ကို စစ်ကောင်စီက လေကြောင်းက ဒီဇင်ဘာ ၂၅ ရက်နေ့မှာ တိုက်ခိုက်ခဲ့လို့ နေအိမ် ၇ လုံးပျက်စီးခဲ့ပါသေးတယ်။
“၁၀၂၇ စစ်ဆင်ရေး” ၂ လကြာကာလအတွင်း ဒေသခံ ၁၅၀ ကျော်သေဆုံးခဲ့ပြီး ၃၀၀ ကျော်ဒဏ်ရာရရှိခဲ့ ရွှေဖီမြေသတင်းဌာနက ကောက်ယူထားတဲ့စာရင်းတွေအရ သိရပါတယ်။
CJ-010
#MeKongNews
#နမ္မတူ
#TNLA
#ထိန်းချုပ်
#စစ်ကောင်စီ
#ဗုံးကြဲ
