မဲခေါင်၊ ဇန်နဝါရီ ၁၈
ရှမ်းပြည်နယ် တောင်ကြီးမြို့၊ ရေအေးကွင်းရပ်ကွက်၊ ကမ္ဘောဇလမ်းနဲ့ ခြင်္သေ့လမ်းထောင့်၊ ရွှေတောင်ရိုး ကုန်ချဂိတ်မှာ မီးလောင်မှု ဖြစ်ပွားခဲ့တယ်လို့ လူမှု့ကွန်ယက် သတင်းအရင်းအမြစ်တွေဆီက သိရပါတယ်။
ဒီနေ့ (ဇန်နဝါရီ ၁၈) မနက် ၁ နာရီလောက်က စတင်လောင်ကျွမ်းခဲ့တာ ဖြစ်ပြီး လူနဲ့ တိရစ္ဆာန် ထိခိုက်မှု မရှိဘူးလို့ ဆိုပါတယ်။
နီးစပ်သူ တစ်ဦးက “ပစ္စည်းတွေတော့ တော်တော်ပါသွားမယ် ထင်တယ်။ မီးတောက်က တော်တော်ကြီးတာ ဆိုတော့လေ။ မီးခိုး အလုံးလိုက် တက်နေတာ။ ကြက်သီးတောင် ထတယ်။ တော်သေးတယ် ခဏလေး ငြိမ်းသွားတာ” လို့ ပြောပါတယ်။
မီးလောင်ကျွမ်းစဉ် ရှမ်းပြည်နယ် မီးသတ်ဦးစီးဌာနရုံး၊ တောင်ကြီးခရိုင် မီးသတ်စခန်းနဲ့ တောင်ကြီးမြို့နယ် မီးသတ်စခန်းတို့က တာဝန်ရှိသူတွေ မီးငြိမ်းသတ်ခဲ့ပြီး ၂ နာရီလောက်မှာ မီးငြိမ်းသွားတယ်လို့ ဆိုပါတယ်။
မီးလောင်ကျွမ်းရတဲ့ အကြောင်းအရင်းနဲ့ ပျက်စီးဆုံးရှုံးမှု တန်ဖိုးကို စုံစမ်းနေဆဲ ဖြစ်ပြီး ရွှေတောင်ရိုးဂိတ်ကို အရေးယူထားတယ်လို့ ကနဦး သိရပါတယ်။
အခု မီးလောင်မှာဟာ တောင်ကြီးမြို့မှာ ၂၀၂၄ ခုနှစ်အတွင်း ပထမဆုံး မကြိမ်ဖြစ်ပြီး မီးမလောင်တာ ၄ လခန့်ကြာပြီလို့ မီးသတ်ဦးစီးဌာနရုံး ဦးစီးဌာန တာဝန်ရှိသူတွေက ပြောပါတယ်။
CJ-007
#MeKongNews
#တောင်ကြီး
#ရွှေတောင်ရိုး
#အဝေးပြေးကား
#မီးလောင်